Регион
Вучиќ и Курти на 2 мај во Брисел

Високиот претставник на ЕУ за надворешна политика, Жозеп Борел, на 2 мај во Брисел свика средба на високо ниво во рамките на дијалогот меѓу Белград и Приштина.
Своето присуство го потврдија претседателот на Србија, Александар Вучиќ, и косовскиот премиер, Албин Курти.
Тема на разговорот, како што се наведува во соопштението на службата за медиумска соработка на ЕУ, ќе бидат нацрт-статутот на заедницата на српските општини и декларацијата за исчезнати лица.
Фокусот, како што се наведува, ќе биде ставен на имплементацијата на договорот за нормализирање на односите меѓу Белград и Приштина, а се очекува страните да ја поддржат декларацијата за исчезнати лица како прва точка на дневниот ред по што ќе биде донесен првиот нацрт и ќе биде претставен статутот на заедницата на српските општини на северот од Косово.
Исто така, според најавата, ќе имаат можност да разговараат и за други прашања од политичко значење.
Најавено е присуство и на специјалниот пратеник на ЕУ за дијалог меѓу Белград и Приштина, Мирослав Лајчак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерство за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на Владата на Република Србија е пронајден плик адресиран до вицепремиерот и министер за внатрешни работи Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање на пошта. Истрагата утврдила дека пликот бил предаден два дена претходно во филијалата на Поштата на Србија во Пожаревац.
Полицијата го идентификувала и го пронашла лицето кое го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејствија со цел да се заштити безбедноста на граѓаните и институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин