Регион
Вучиќ: Кога државата е загрозена, најважно е единството во одлуката да се зачува

Претседателот на Србија, Александар Вучиќ, денеска изјави дека во моментите кога земјата е загрозена, најважно е единството во одлуката за нејзино зачувување.
По повод Денот на државноста на Србија, Вучиќ рече дека „државата ја сочинуваат луѓе, институции, способност самостојно да води политика, без надворешен притисок, да носи одлуки и да се бори за своите витални интереси.
„Затоа е важно во вакво време, кога нашата држава и нејзините темели се загрозени, во услови на тешка состојба во светот, тогаш најважно е да бидеме обединети во одлуката за спас на државата. Нема врска со политички партии, има врска со битието на српскиот народ“, рече тој.
„Раѓањето на секоја држава, борбата за државност, е на некој начин авантуризам, но кога имаш држава, тогаш никогаш немаш право на авантури. Ти ја чуваш, негуваш, се грижиш за таа држава и не ја даваш кому било“, рече Вучиќ.
Според него, Крагуевац и Шумадија секогаш на сериозен, одговорен, разумен и рационален начин можеле да застанат покрај Србија.
„Да ја спасиме нашата земја, да го спасиме Косово и Метохија како дел од Србија, да не бидеме херојски кога тоа не е потребно, туку да можеме цврсто да им одговориме на сите кога нема друг избор или излез“, изјави Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.