Регион
Вучиќ најавува голем собир во Белград за ,,иднината на Србија”

Во Белград вечерва ќе се одржи голем собир во рамки на кампањата на српскиот претседател ,,Иднината на Србија”, на кој се очекува да присуствуваат десетици илјади луѓе од целата земја кои шефот на државата и лидер на владејачката СНС, Александар Вучиќ, ги повика на единство и поддршка за сите важни прашања од национален и државен интерес, особено во претстојното решавање на косовското прашање.
На собирот, како што соопшти кабинетот на Вучиќ, ќе зборува и претседателот на Владата, Ана Брнабиќ, министерот за надворешни работи, Ивица Дачиќ, претседател на претседателството на Босна и Херцеговина, Милорад Додик, и министерот за надворешни работи на Унгарија, Петер Сијарто, кој претходно ја поддржа владејачката партија и на изборната кампања.
Ваквиот собир доаѓа по минатонеделните случувања кога на протестот „Сите за еден – еден од 5 милиони” пред Собранието на Србија се собраа илјадници луѓе кои се спротивставија на владата на Вучиќ и побараа слободата на медиумите, како и создавање услови за фер избори и професионално известување во јавните ТВ-програми – Српска радио и телевизија и Радио-телевизија Војводина. Официјалните проценки се дека на тој собир имало само 7.200 до 7.500 луѓе, додека организаторите и лидерите на опозициската Алијанса за Србија тврдат дека собрале 35.000 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.