Регион
Вучиќ: На видик нема ниту едно решение за Косово
Претседателот на Србија, Александар Вучиќ, во разговорите со претставниците на Србите на Косово рече дека Белград нема ниту едно решение за Косово.
„На видик немаме ниту едно решение. Се трудиме да пронајдеме заеднички именител. Нема да излезам со ништо во јавност во Белград сè додека не раговарам со вас, што добивте 80 отсто од гласовите, сите вие што на Косово и Метохија ми донесовте 85 отсто од гласовите“, рече Вучиќ за Радио-телевизија Србија. Тој додаде дека неговата изјава – ако не дојде до разграничување со Албанците, за 40 години Србија ќе мора да го брани Врање – била оптимитична.
„Таа изјава беше оптимистична, ќе дојдеме во таа ситуација за 20 години. Во Пржар, село недалеку од Врање, ги знам нивните (албанските) намери. Демографијата не е на наша страна. Тие се многу помотивирани од нас Србите да го штитат тоа што го сметаат за свое“, рече Вучиќ.
Српскиот претседател кажа дека знае оти албанската страна нема да го заврши статутот на заедниците на српските општини до 4 август, како што ѝ ветила на Европската Унија.
„Ги знам јас нив, нема ништо од тоа. Тие сакаат да ни го продадат тоа како конечно решение. Да ја добиеме ЗСО“, рече Вучиќ.
Додаде дека Србија има шанса да не загуби сè, туку да добие нешто и дека на Србија никој не ѝ нуди поделба на Косово, ниту некој ќе ѝ ја даде.
„Нема да ни дадат поделба. Некои се исплашија на поделба по средбата со францускиот претседател Емануел Макрон затоа што поддршката за Србија расте. Се исплашија кога видоа средби со рускиот претседател Владимир Путин, со претставници на САД, со германската канцеларка Ангела Меркел, со францускиот претседател, кој ми се чини дека добро ја разбра ситуацијата на Косово и Метохија“, рече Вучиќ.
На крајот, српскиот претседател рече дека во септември ќе ѝ се обрати на нацијата и дека ќе објави цитати на луѓе поврзани со странски разузнавачки служби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.