Регион
Вучиќ: Никој не може да го сопре српското срце да чука за Косово

Србија ни после сето она што и беше направено не е уништена, нити после сето она што и беше одземено не пропадна, нити после толку газење не е понижена, порача во неделата српскиот премиер Александар Вучиќ на манифестацијата на обележувањето на Топличкото востание, пренесуваат српските медиуми.
„Не дојдов за вашите гласови, туку да ви кажам и ви кажувам дека српското срце и денес чука за Косово и не може да го сопрат“, рекол Вучиќ пред големиот број насобрани на одбележувањето на востанието на „малата Србија“ против тиранијата, првата и единствена во окупираната Европа во Првата светска војна, пишуваат српските медиуми.
Топличкото востание било првото и единственото востание против тиранијата во било која окупирана држава тогаш во Европа, рекол српскиот премиер Вучиќ. „Востанието се случи во малата Србија, позната по чесните луѓе, иако пред себе ја имаа најсилната воена сила на тоа време“, рекол Вучиќ.
Српскиот премиер исто така порачал дека Србија нити денес, нити утре нема да се крене против Република Српска, нити пак Република Српска против Србија. На одбележувањето на 100 годишнината од Топличкото востание во Прокупље Вучиќ истакнал дека Србите израснале од „оне кои можеа да ги победат, но не можеа никогаш да ги понижат“.
Претседателот на Република Српска, Милорад Додик, пак, кој исто така присуствуваше на одбележувањето во Прокупље изјавил дека неговото присуство е во согласност со претходните договори на српската Влада и Република Српска за заедничко одбележување на важниот настан. Додик потсетил дека пред 100 години Србите, кои останале на тој простор под окупациската зона на Бугарија, се единствените кои во Европа кренале востание, поради тоа што не сакале да војуваат како дел од бугарската војска против Србите кои се враќале од туѓина./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ бесен на Европските зелени: Олош сте, ќе одговарате пред законот на Србија!

Српскиот претседател Александар Вучиќ упати жестоки критики кон Европската зелена партија, обвинувајќи ја дека стои зад насилствата на протестите во Нови Сад.
„Одете, уништете ги вашите земји. Не ја уништувајте Србија. Вие сте олош. И не сте ни олош, полоши сте од тоа. Тоа е сè што имам да ви кажам. Дали се плашиме? Ни најмалку. Ја почитувам Урсула фон дер Лајен. Го почитувам Антонио Кошта. На ова ѓубре, олош, од Европската зелена партија, најлошиот олош во Европа што дојде во Нови Сад вчера за да го поддржи ова насилство, ќе бидат гонети во согласност со законите на Република Србија“, изјави Вучиќ.
Тој се осврна и на бројките од протестите, нагласувајќи дека низ цела Србија излегле помалку од 10.000 луѓе, додека најмногу имало во Нови Сад.
„9.380 луѓе биле низ цела Србија на митинзи против владата, од кои 7.020 биле во Нови Сад, според бројките на Министерството за внатрешни работи. И насекаде беше мирно, без инциденти, освен во Нови Сад. Полицијата им дозволи да ги тепаат со пиротехнички средства, стапови и камења цели 12 минути. Дури тогаш полицијата реагираше“, рече Вучиќ.
Претседателот предупреди дека ситуацијата во Нови Сад ескалирала и поради присуството на европратеници, кои, според него, сакале да ја нарушат стабилноста на Србија.
„Некои се обидоа со фантомки и шлемови да ги окупираат просториите на Филозофскиот факултет, но не успеаја“, нагласи Вучиќ.
Тој додаде дека српската полиција постапила строго професионално, но дека во инцидентите биле повредени 11 припадници на МВР.
Регион
(Видео) Српските полицајците сакаа да ги растераат граѓаните, но самите паднаа на колена

Видео кое кружи на социјалните мрежи покажува необична ситуација во која полициски службеници сами се најдоа погодени од солзавецот што го фрлиле кон граѓаните.
И покрај тоа што беа во целосна опрема, со маски и шлемови, не успеале да се заштитат од чадот кој ветерот го вратил кон нив.
Во еден момент, неколкумина полицајци ги симнале маските и клекнале на земја, очигледно со потешкотии да продолжат да издржат во облакот од солзавец.
Според коментарите на очевидци и граѓани кои ја следеле ситуацијата, станува збор за иронична сцена во која природата им го „вратила ударот“ на службениците, поради што и видеото брзо се прошири на интернет и предизвика бурни реакции.
Plaćenici gubarski se od sopstvenog suzavca guše, čak su neki skinuli opremu i otišli. ‼️‼️‼️‼️ pic.twitter.com/LmEqDPWbXD
— o0o0o0o (@KoronVirus) September 5, 2025
Регион
Три земјотреси во Србија за час и половина – „Се затресе добро“

За само час и половина, Србија беше погодена од 3 земјотреси, од кои најсилниот беше 4,4 степени според Рихтеровата скала.
Денес, во 14:43 часот, земјотрес со магнитуда од 4,2 степени според Рихтеровата скала беше регистриран во областа Голија, околу 20 километри источно од Сјеница. Според прелиминарните податоци, теоретскиот интензитет на епицентарот беше проценет на шестиот степен според Меркалиевата скала. Околу дваесет минути подоцна, следеше уште еден, послаб земјотрес со магнитуда од 2 степени, а помалку од час и половина по првиот, на истото место беше регистриран и трет земјотрес со магнитуда од 1,9 степени, пренесуваат медиумите во соседството.
Земјотресот беше почувствуван во Нови Пазар, Трстеник, Чачак, Краљево, Ужице, Крагуевац, Јагодина, Алексинац, Аранѓеловац, Ниш, Панчево, па дури и во Белград и во Скопско, според написите.
Првиот земјотрес е регистриран во планинскиот регион Голија, на половина пат помеѓу Рашка и Сјеница, поточно околу селото Црчево.
Републичкиот сеизмолошки завод објави дека во 14:43 часот е регистриран земјотрес со јачина од 4,4 степени според Рихтеровата скала на длабочина од 3 километри во регионот Сјеница.
„Добро се затресе“, „Ормарите се тресеа“, „Се почувствува мало нишање на креветот“, пишуваат граѓани кои го почувствувале земјотресот.
Тие исто така известуваат дека земјотресот е почувствуван во Трстеник, Чачак, Краљево, Ужице, Крагуевац, Љиг, Јагодина, Алексинац, Аранѓеловац, Ниш, Панчево, па дури и во Белград и Скопје.
Граѓаните на Пријепоље и Нова Варош, исто така, го почувствуваа потресот, но засега нема информации за материјална штета или повредени. Експертите истакнуваат дека земјотресите со овој интензитет најчесто можат да предизвикаат помали штети на зградите во епицентралното подрачје, но тие не се невообичаени за овој регион.
„Се тресеше добро, навистина бевме исплашени бидејќи сè се тресеше за секунда“, изјави жител на Сјеница за агенцијата РИНА, опишувајќи го моментот на земјотресот.
Надлежните служби продолжуваат да ја следат ситуацијата и апелираат до граѓаните да останат смирени. Во случај на посилни последователни потреси, се препорачува сите да се придржуваат до основните упатства за однесување за време на земјотрес – да бараат засолниште под цврст мебел, да се држат подалеку од стаклени површини и да избегнуваат користење лифтови.