Регион
Вучиќ очекува од Путин наскоро да го потпише указот за наоружување на Србија

Српскиот премиер Александар Вучиќ во понеделникот по разговорите со рускиот претседател Владимир Путин изјавил дека очекува од него во најскоро време да го потпише указот врз основа на кој руското наоружување би можело да стигне во Србија, пренесуваат српските медиуми.
„Разговаравме и за воено-техничката соработка. Путин рече дека лично го одобрил сето она за што разговоравме со министерот за одбрана Сергеј Шојгу, во врска со 30-те борбени оклопни возила, 30-те тенкови Т-72 и шест авиони МИГ 29. После денешните разговори, во најитно време очекувам претседателот да го потпише указот, што би значело дека се она што се договориме, конечно ќе стигне во Србија“, рекол Вучиќ.
Српскиот премиер не прецизирал кога би било ова, наведувајќи дека останува само решавањето на техничките проблеми, односно дали авионите ќе се расклопуваат, па повторно склопуваат, или ќе биде дозволена дозвола од „една држава за прелетување“.
Вучиќ навел дека на Путин му пренел оти „Србија цврсто стои на моделот на воена неутралност, која мора да ја сочува и дека тоа е и прашање на слободата и независноста“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин