Регион
Вучиќ со Орбан во Белград: Со искрени пријатели и партнери се е можно

Српскиот претседател Александар Вучиќ денеска на средба со унгарскиот премиер Виктор Орбан во Белград изјави дека со искрените партнери и пријатели се е можно.
„Средба со мојот пријател Виктор Орбан и ретки опуштени моменти пред да почнеме да се занимаваме со сериозни прашања од интерес за Србија и Унгарија. Со искрени партнери и пријатели – сè е можно и секој план е остварлив, а проектите на кои работиме најдобро ќе покажат дека ништо не може да го запре брзиот раст на двете земји“, напиша Вучиќ на Инстаграм профилот „buducnostsrbijeav“.
Тој објави фотографии од средбата, а на гостинот од Унгарија му порача: „Добредојдовте кај нас, драг Виктор Орбан!
Во Палиќ утре ќе се одржи првата седница на стратешкиот совет за соработка меѓу Србија и Унгарија, а ќе и претходи средба на српскиот претседател Александар Вучиќ и премиерката Ана Брнабиќ со унгарскиот претседател Каталин Новак и унгарскиот премиер Виктор Орбан.
Како што соопштија од Службата за соработка со медиуми на претседателот на Републиката, по седницата ќе следи потпишување на билатерални документи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин