Регион
Вучиќ: Што е проблемот со ботовите, еве јас сум и идиот и бот

Претседателот на Србија, Александар Вучиќ, изјави дека не гледа проблем во приказната за ботови бидејќи секогаш има луѓе што поддржуваат партија и дека СНС е единствената политичка партија која никому не должи ниту динар.
Зборувајќи за неодамнешната кампања „Јас сум бот“, претседателот изјави дека не се работи за пари и дека државата им помага на децата одговарајќи на критиките на поранешната министерка Зорана Михајловиќ.
„Најлоши се луѓето што плукаат во коритото од кое и самите пиеле. Не ме интересираат нивните коментари. Јас сум идиот и јас сум бот и можете да замислите какви луѓе сте кога јас таков идиот дванаесет години ве тепам на секои избори“, истакна Вучиќ.
„Каква е приказната за ботовите на Српската напредна странка? Има ли луѓе што поддржуваат партија? Па, секогаш има луѓе што поддржуваат партија. Некои се ангажирани, некои не се во партиски органи. Што е проблемот со тоа? За разлика од другите политички партии, додека бев претседател на СНС, партијата никому не му должи ниту еден динар, а знам дека не должи ниту денес“, рече Вучиќ.
Вели дека ќе има избори.
„Тие ќе бидат одржани во мир и ред. Ако сакаат, може да ги имаат годинава, ако не, во април или мај ќе имаме општи избори кога ќе има и локални и покраински избори“, рече Вучиќ и изјави дека изборите ќе беа веќе распишани доколку немаше протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.