Регион
„Гардијан“ ја анализира врската помеѓу несреќата во Лариса и оние во Германија и Шпанија
Страшната несреќа во Темпи е најтешката во последната деценија на европската железничка мрежа, коментира во својата анализа британскиот весник „Гардијан“.
Тажни спомени будат фотографиите што го обиколија светот во последните неколку часа со десетици загинати по тешкиот директен судир на патничкиот воз на линијата Атина – Солун со трговскиот воз од Лариса, забележува „Гардијан“.
Како што се наведува во изданието, трагедија во Европа со многу сличности со онаа на Темпи се случила во 2016 година во Германија кога по директен судир на два воза во Бад Ајблинг, загинале 12 лица. Во овој инцидент невнимателен бравар дозволил два воза да се движат во спротивни насоки на единствената пруга.
Излетување од шините со голема брзина во Шпанија
Последната железничка несреќа во Европа, која предизвика толку многу жртви, беше излетувањето од шините со голема брзина во Шпанија во 2013 година кога 80 луѓе загинаа во близина на Сантјаго де Компостела.
Британското издание исто така нагласува дека рекордот за безбедност на железницата на Грција е најлош во ЕУ во последните десет години, врз основа на статистиката на Европската агенција за железници.
Има многу прашања за фаталната железничка несреќа
Разумно прашање за експертите за причините за трагедијата во Темпи е дали сигнализацијата функционирала правилно, дали се работи само за човечка грешка или други услови оставиле два воза на иста пруга.
Иако голем дел од малата грчка железничка мрежа е затворена, земјата инвестирала во главната железничка артерија меѓу Атина и Солун, а возовите сообраќаат на, како што се чини, добро одржуван дел од наелектризираната главна линија, се вели во извештајот.
Апсењето на одговорниот управител на станицата во Лариса, кој, според некои извештаи, можел да насочи еден од возовите во друга насока, сугерира дека човечката грешка е првиот елемент на истрагата.
Освен тоа, весникот „Гардијан“ особено се осврнува на приватизацијата на грчката железничка компанија „Траиносе“. Компанијата, како што пишува, е приватизирана во 2017 година како дел од реформите наметнати заедно со спасувачката програма на Грција од ЕУ и привлече само една веродостојна понуда, онаа на италијанската државна групација „Ферови дело стато Италијане“.
Иако нема докази за тоа што ја предизвикало несреќата, некои во Грција веќе поставуваат прашања за финансирањето, персоналот и одржувањето на железницата, се вели во извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.