Регион
Градоначалникот на Загреб го посетил Рим 62 пати во период од 5 години

Хрватската Комисија за судир на интереси поведе постапка против градоначалникот на Загреб, Милан Бандиќ, поради 62 патувања во Рим на трошок на градот во период од 5 години.
Како што пренесува „Индекс“, за време на патувањата на Бандиќ во Рим тој не присуствувал на никакви официцијални состаноци.
Од канцеларијата на Милан Бандиќ на прашањето колку сето тоа ги чинело граѓаните на Загреб, одговориле дека тој посетил педесетина града во светот.
„Градоначалникот на службен пат оди на повик на организаторите на настани/конференции или на повик на градоначалникот домаќин. Имајќи предвид дека градот Загреб е европска метропола, а како би бил во рангот со другите европски градови и држави, организира и предлага меѓуградски и меѓународни соработки со други градови, во последните осумнаесет години градоначалникот службено ги посетил следниве градови: Анкара, Берлин, Мајнц, Виена, Лисабон, Москва, Љубљана, Будимпешта, Брисел, Милано, Рим, Сараево, Пекинг, Шангај, Санкт Петербург, Софија, Скопје, Варшава, Астана, Тирана, Приштина, Амстердам, Париз, Њујорк, Вашингтон, Лос Анџелес, Лас Вегас, Белград, Подгорица, Трст, Прага, Порторож, Суботица, Сан Франциско, Торонто, Питсбург, Братислава, Бања Лука, Сребреница, Лондон, Мостар, Салцбург, Марибор“, се наведува во одговорот што го пренесе „Индекс“.
Од прес-службата на Градот додаваат дека градоначалникот редовно ја известувал јавноста за своите патувања, но интересот на медиумите досега не бил значаен. Велат дека во Градската управа може да изврши увид во списите поврзани за службените патувања.
Бандиќ е градоначалник на Загреб од 2005 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.