Регион
Гренел до Приштина: „Не гризете ја раката што ве храни“

Поранешниот пратеник на Доналд Трамп за дијалог меѓу Косово и Србија, Ричард Гренел, ѝ одговори на поранешната министерка за надворешни работи на Косово, Мељиза Харадинај-Стубли, која упати низа обвинувања на сметка на Западот за настаните во Бањска. Гренел ѝ порача дека не е добра идеја „да ја гризе раката што ги хранела со децении“.
Гренел на социјалната мрежа Х изјави дека меѓународната заедница му порачала на косовскиот премиер Аљбин Курти да престане со едностраните потези, да распише избори и да формира заедница на српски општини.
„Дали го обвинувате Западот? Не е добра идеја да ја гризете раката што ве храни со децении. Точно е дека меѓународната заедница му порача на Курти на 3 јуни да престане со едностраните потези, да распише избори и да ја формира заедницата. Не кажа ништо. И тоа е вистината“, рече Гренел.
Одговарајќи им на оние што го обвинуваат дека е платен од Србија, Гренел наведува дека нагласувањето лажни вести наместо политичка дебата е белег на владата на Курти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.