Грчката полиција уапси пет малолетни лица со „молотови коктели“ за кои се верува дека планирале напади врз полицајци, а властите шпекулираат дека можеби биле регрутирани од левичарските анархисти на АНТИФА, пренесува „Прото тема“.

Петте апсења се случиле во населбата Тесеио во централна Атина, при што истражителите тврдат дека петтемина биле упатени кон областа Егзархеја со неколку „молотови коктели“ за да се вклучат во напад против локалните полициски службеници.

Според „Прото Тема“, само двајца од малолетните лица се познавале од претходно, а петтмина се запознале првпат во саботата вечерта кога на интернет се договориле да се сретнат.

Инспекторите сега работат на претпоставката дека тројцата малолетни лица биле регрутирани на интернет од ветеранските анархисти на АНТИФА. Постојат сомнежи дека екстремните левичари намерно регрутирале деца без криминални досиеја или кои не ѝ се познати на полицијата зашто младите би предизвикале помал сомнеж при спроведувањето на своите активности.

Апсењата следуваат по многуте инциденти во кои беа вклучени анархистите на АНТИФА во Грција во последните неколку недели.

Минатата недела екстремистите запалија американско знаме за време на протестот пред конзулатот на САД во Солун. Екстремните левичари тврдеа дека постапуваат во солидарност со демонстрантите од „Блек лајвс медр“, кои ги сметаат за американски бунтовници.

Во друг инцидент минатата недела, кој исто така наводно беше во солидарност со демонстрантите на БЛМ, екстремно левичарските анархисти фрлиле „молотови коктели“ кон полицијата во близина на Амбасадата на САД во Атина, во неуспешен обид да ја запалат зградата.

Најсериозен случај на екстремно левоичарско насилство се случи во Солун кога двајца екстремисти беа уапсени кога се обидоа да детонираат бомба во домот на конзервативниот поранешен министер Димитрис Стаматис. Парот, 27-годишен маж и 28-годишна жена, беше уапсен, а беа извршени рации во четири домови поврзани со осомничените. Инспекторите заплениле неколку предмети, вклучувајќи четири домашни експлозиви, пластични шишиња исполнети со запаливи материјали и електронски уреди.