Регион
Грчка веб-страница им се заканила на турски новинари на островот Мегисти
Грчка веб-страница, позната по антитурската реторика, им се заканила на новинари на турската новинска агенција „Анадолија“ кои отпатувале на грчкиот остров Мегисти (Кастелоризо) за да ги следат неодамнешните настани таму, откако од властите ги добила податоците од нивните пасоши, пренесува „Дејли Сабах“.
Претставникот на „Анадолија“ во Атина, Тевфик Дурул, и фоторепортерот Ајхан Мехмет патувале со авион од Атина до Родос, а на островот пристигнале со брод. Грчката веб-страница Tourkikanea.gr објавила провокативен едиторијал неколку часа по нивното пристигнување.
„Зошто им дозволуваме на турските шпиони од Националната разузнавачка агенција (МИТ) да одат во Мегисти? Зошто им дозволуваме да стапнат на островот? Нели сме свесни што се обидуваат да направат овие шпиони на МИТ? Се надеваме дека властите ќе го сторат она што е потребно?“, објави грчката веб-страница.
На веб-страницата е објавена и фотографија од пасошот на Дурул, копија која би требало да ја имаат само грчките власти и да не ја споделуваат со никого.
Се очекува објаснување од грчките власти за тоа како веб-страницата успеала да дојде до фотографијата од пасошот бидејќи Дурул не ја покажал никому освен на властите за време на неговите патувања до Атина и Мегисти.
Веб-страницата на провокативен начин објавила информации и за местото на раѓање на Мехмет.
„Таргетирањето на двајцата новинари кои заминаа на островот за да информираат од терен претставува тежок удар врз слободата на печатот“, изјави Шенол Казанџи, генералниот директор на„Анадолија“.
Осудувајќи го ваквиот провокативен едиторијал, Казанџи нагласи дека новинарите на „Анадолија“ внимателно ја следат агендата и развојот на настаните на Мегисти како и во секој друг дел од светот.
„Грчките власти треба да обезбедат безбедна работна средина за новинарите. Очекуваме објаснување и извинување од страна на администрацијата на Атина за тоа како информации за идентитетот и пасошот на нашите новинари, кои би требало да бидат во рацете на грчките власти, протекоа во јавност “, изјави тој.
My message to Greece is as follows: You will pay the price if those Turkish reporters come in harm’s way.
Nobody can silence Anadolu Agency, whose staff work in the most hostile environments, through threats, intimidation or the publication of their personal information.— Fahrettin Altun (@fahrettinaltun) September 2, 2020
„Скапо ќе платите ако овие турски новинари на кој било начин се најдат во некаква опасност. Никој не може да ја замолчи агенцијата „Анадолија“, чиј персонал работи во средини кои не се безбедни, трпи закани, заплашување или објавување на нивните лични податоци“, објави на Твитер, Фахретин Алтун, шефот на Одделот за комуникации при турското Претседателство.
„Ги осудуваме напорите на грчките власти за поттикнување насилство преку фашистичка веб-страница, насочена кон новинарите на „Анадолија“ во Мегисти. Треба е да се напомене дека грчките новинари работат слободно во Турција, на која ЕУ сака да ѝ држи предавања за слободата на медиумите, додека Грција, како членка на ЕУ, се однесува како мафијашка земја“, додаде Алтун.
Според неодамнешните медиумски извештаи, грчките власти распоредиле воени елементи на островот Мегисти. Турција го осуди потегот, потсетувајќи дека островот има демилитализиран статус уште од Париските мировни договори во 1947 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави во Драч: евакуирани 180 лица, поплавени околу 800 домови
Министерот за одбрана на Албанија Пиро Венгу го свика Комитетот за цивилни вонредни ситуации за регионот Драч поради поплавите, каде состојбата е најкритична. Според него, поплавени се околу 800 домови, а 180 лица се евакуирани.
Венгу информира дека сите надлежни структури се на терен и дека состојбата континуирано се следи, додека опасноста сè уште не е помината. Институтот за геолошки науки предупреди дека и денеска се очекуваат интензивни врнежи од дожд, со можност за дополнително зголемување на поплавите.
Фото: илустрација (ЕПА)
Регион
Обилните дождови ги затворија патиштата во Црна Гора, се заканува раст на Скадарското Езеро
Неколку патишта беа затворени низ Црна Гора денес поради обилни врнежи од дожд во изминатите 24 часа. Водата се заканува и на бројни домови, а се очекува нивото на водата на Скадарското Езеро да се зголеми во текот на ноќта кон среда.
Црногорското Министерство за внатрешни работи објави дека последиците од обилните врнежи од дожд се регистрирани во општините Никшиќ, Даниловград, Мојковац, Бијело Поље, Улцињ, Плевља, Подгорица, Колашин и Беране.
„Поради лизгање на земјиштето и излевање на реките, сообраќајот е прекинат на неколку патни правци“, се вели во соопштението на црногорското Министерство за внатрешни работи.
Според најновите информации од 15 часот, нивото на водата на сите реки се намалува, освен на реката Зета и Скадарското Езеро, кое Црна Гора го дели со Албанија. Околу две третини од ова езеро, најголемо на Балканот, ѝ припаѓа на Црна Гора, а една третина на Албанија.
Во текот на ноќта се очекува нивото на водата на Скадарското Езеро да се зголеми поради контролираното испуштање вода од хидроелектраните на реката Дрим, кое го спроведува албанската страна.
Албанскиот премиер Еди Рама претходно во вторник изјави дека, поради зголемениот проток на реката Дрим, започнале контролирани испуштања вода од хидроелектраните што би можело да доведе до ненадејно зголемување на нивото на Скадарското Езеро.
Регион
(Видео) Снегот уриваше дрвја и оштети автомобили во Белград
Обилниот снег што падна во Србија во неделата предизвика проблеми во сообраќајот, прекини во електричната енергија и го отежна секојдневниот живот на граѓаните, а новиот удар на зимата беше особено видлив во Нов Белград, каде што обилните снежни врнежи соборија дрвја, а гранки паднаа врз паркираните автомобили.
Во една белградска населба, снегот беше доволно силен за да собори неколку дрвја и дебели гранки од улиците и зелените површини, предизвикувајќи штета на некои автомобили.
Снежните врнежи во поголемиот дел од Србија беа пообилни од вообичаените за ова време од годината.
Во некои области наврнаа повеќе од 25 сантиметри снег за помалку од 24 часа, предизвикувајќи доцнења во сообраќајот и летовите од аеродромот во Белград, како и привремени проблеми со електричната мрежа во планинските области.
Во Охрид најкритично во Далјан, се излеа и Кочанска река – извештај за состојбата по обилните дождови
Обилните врнежи на дожд предизвикаа зголемен водостој на реките и локални излевања во повеќе делови од државата, информира Центарот за...
Евакуирани околу 110 лица по поплавите во Кичево, обезбедено привремено сместување и итна помош, отворена и сметка за донации
Поради обилните врнежи и зголемениот водостој на реките, во Кичево дојде до поплавување на населени места и земјоделски површини, при...
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
