Регион
Дачиќ: Би сакал да дојде до некој напредок во Брисел, но Западот не е подготвен да изврши дополнителен притисок врз Курти

Српскиот министер за надворешни работи Ивица Дачиќ изјави дека не се надева дека ќе се постигне напредок за време на новата рунда разговори меѓу Белград и Приштина и дека Западот не е подготвен да изврши дополнителен притисок да започне нормализација на односите.
„Би сакал да видам одреден напредок за време на новата рунда разговори меѓу Белград и Приштина, но нашите надежи не се преголеми токму поради Курти и поради неподготвеноста на луѓето од Запад да извршат дополнителен притисок на него да започне нормализација на односите“, рече тој.
Дачиќ, гостин на Б92, рече дека Србија мора и сака да разговара и дека таа секогаш ќе биде конструктивен дел од дијалогот, но дека Западот не разбира дека Курти „сака насилно да ги спроведе своите желби“.
„Преговорите треба да бидат статусно неутрални, но не се. Потоа не критикуваат зошто воопшто одиме на разговори. „Но, Србија не смее да биде прогласена за виновна, бидејќи пред се ќе страдаат луѓето што живеат на Косово“, рече тој.
Српскиот претседател Александар Вучиќ и косовскиот премиер Аљбин Курти ќе се сретнат утре во Брисел како дел од новата рунда од дијалогот со посредство на ЕУ.
Во фокусот на средбата ќе биде имплементацијата на Договорот за патот кон нормализација меѓу Косово и Србија, за кој Вучиќ и Курти постигнаа договор во Охрид на 18 март.
„Вучиќ едвај ги чека изборите, нема шанси опозицијата да освои мнозинство“
Дачиќ изјави дека „не гледа“ дека има шанса или можност за промени на политичката сцена во смисла дека опозицијата ќе добие мнозинство на избори.
За барањето на опозицијата за итни избори, Дачиќ рече дека српскиот претседател Александар Вучиќ „едвај ги чека изборите“ и оцени дека изборите ќе се одржат во рок од три до шест месеци.
„Постојано ги критикував честите избори бидејќи секој изборен циклус по малку го одвлекува вниманието од нормалното функционирање на државата, но ако тоа е решението за ситуацијата во која се наоѓаме, тогаш е корисно да се одржат избори“, изјави за Б92, српскиот министер за надворешни работи.
Тој оцени дека опозицијата „нема ниту план, ниту стратегија за дејствување“.
„Ако сакаме да се одржат изборите во декември, мора да се направи некоја прелиминарна работа. Дали ќе се донесе буџетот за наредната година, кога ќе се распушти собранието, ќе се сменат ли некои работи во законите кои се битни за одржување избори… Премногу е конфузно и дифузно за да можете да препознаете за што се работи“, оцени Дачиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.