Регион
„Да“ за ЕУ, „не“ за НАТО – Радев објави дека Бугарија ја поддржува европската перспектива на Украина

Бугарија ги поддржува независноста на Украина, територијалниот интегритет и европската перспектива, рече бугарскиот претседател, Румен Радев. Шефот на бугарската држава му врачи орден на амбасадорот на Украина во Бугарија, Виталиј Москаленко.
Наградата, како што посочи Радев, е израз на оценката за активноста на украинскиот амбасадор за развојот на односите меѓу Киев и Софија во еден исклучително тежок период.
Една година по руската инвазија на Украина, бугарскиот претседател укажа на постојаната поддршка на Софија за Киев.
„За независноста, суверенитетот, територијалниот интегритет и европската перспектива на Украина, како и за континуираната помош на граѓаните на Република Украина и илјадниците украински граѓани што бараат спас од војната во нашата земја. Нашите земји и народи споделуваат длабоки историски културни и јазични врски, сигурен мост, за кој се и илјадниците етнички Бугари во Република Украина“, истакна Радев.
Бугарија не ја потпиша декларацијата за членство на Украина во НАТО
Пред неколку месеци Радев одби да ја потпише декларацијата за членство на Украина во НАТО.
Бугарското претседателство тогаш објави официјален став, во кој беше наведено дека Радев не се согласувал со целосниот текст на декларацијата иако Бугарија е дел од декларацијата од самитот на НАТО во Букурешт во 2008 година за идниот пристап на Украина.
Според Радев, декларацијата сега е усвоена во сосема поинаква безбедносна средина, па поради воените акции на територијата на Украина, за нејзиното членство треба да се дискутира во Алијансата и да не доведе до ризик од директно вклучување на нејзините членки во војната.
Документот со кој се осудува присоединувањето нови украински територии кон Русија го потпишаа претседателите на Македонија, Романија, Чешка, Полска, Естонија, Латвија, Литванија, Црна Гора и на Словачка.
„Снабдувањето со оружје на Киев значи дека пожарот се гаси со бензин“
Радев во неколку наврати има посочено и дека е против испраќање оружје во Украина бидејќи тоа нема да го запре конфликтот.
Минатиот месец во интервју за „Дарик радио“ бугарскиот претседател предупреди дека снабдувањето со оружје на Киев значи дека пожарот се гаси со бензин и оти ќе има уште многу жртви.
Според Радев, воената помош за Киев подразбира дека конфликтот „мора да се води додека едната од страните не биде целосно поразена“, што неизбежно и постепено води „до глобален конфликт и можност за нуклеарно самоуништување“.
Радев истакна дека затоа неговата земја не треба да испраќа оружје за да го разгорува конфликтот во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Силна бура го парализираше црногорското приморје, најкритично во Котор

Силна бура го погоди црногорскиот приморски појас утрово, оставајќи го Котор и околните градови под тежок пороен дожд. Которскиот Залив е целосно погоден од силниот дожд и ветрови, а морето е разбрането, со големи бранови кои се спојуваат со сивото небо.
Туристите, кои вчера уживале во пливање, денес се соочуваат со потполно нестабилни услови.
„Колку и да уживавме во пливањето вчера, денес можеме да пливаме на улица“, изјавил еден од нив.
Ситуацијата е особено критична во близина на Вирпазар, каде што сообраќајот е прекинат поради несреќа, објави РТЦГ. Локалните власти апелираат на внимание и ги советуваат граѓаните да ги следат предупредувањата за безбедност.
Регион
(Видео) Драма на скопскиот аеродром: Aвион од Крит со 200 лица слета во Скопје наместо во Белград

Патници на авиокомпанијата „Виз ер“ кои требаше да летаат од Крит за Белград, наместо тоа завршија на аеродромот во Скопје околу 4 часот утрото, пренесува N1.rs.
Летот, кој бил закажан 15 минути по полноќ, првично бил пријавен како празен, што ги изненадило и полицијата и вработените на скопскиот аеродром.
Јелена, една од патничките, изјавила дека околу 200 лица излегле од авионот, без претходна информација за пренасочувањето. Патниците најпрво добивале СМС-пораки за одложување, а потоа, во 4:20 часот, полетале кон Скопје. На аеродромот биле задржани во авионот подолго време, а не им било дозволено да излезат сè додека една жена не почувствувала влошување на здравјето. На крајот, патниците останале на празен аеродром додека не им бил обезбеден автобус за Белград.
Пилотот им појаснил дека неговото работно време е завршено и дека повеќе информации ќе добијат на аеродромот, но и таму вработените биле целосно збунети бидејќи им било пријавено дека авионот е празен. Патниците се обратиле и до Амбасадата на Србија, но добиле одговор дека не може ништо да се стори, со образложение дека „аеродромот во Белград не работи и не прима авиони“.
Според официјалните информации, веб-страницата на белградскиот аеродром го прикажува летот како откажан, додека на македонскиот аеродром е евидентиран како реализиран, но со задоцнување од повеќе од три часа. На веб-сервисот FlightRadar се забележува дека авионот наместо во Белград, слетал во Скопје, без објаснување за причините.
Регион
Српската туристка која исчезна додека пливала кај Солун е пронајдена мртва

Жена (76) од Србија, која се водеше како исчезната од синоќа во близина на Солун, е пронајдена мртва утрово кратко по 8 часот, во морскиот регион, јавува „Прототема“, пренесува „Танјуг“.
Грчката крајбрежна стража вчеравечер ја започна потрага по исчезната пливачка во близина на градот Агиа Триада, во близина на Солун.
Порталот „Прототема“ објавија дека жената отишла на пливање со двајца пријатели, а крајбрежната стража била известена за нејзиното исчезнување околу 21:30 часот по локално време.
Во спасувачката операција учествувале два брода на крајбрежната стража, брод во близина и рибарски чамец. На барање на крајбрежната стража беше мобилизиран и грчки спасувачки тим, кој пристигнал за да помогне, заедно со екипаж од четири члена волонтери и спасувачкиот брод „Один“.
Спасувачките екипи продолжуваат со пребарување на околуниот дел од морскиот брег и отвореното море во надеж дека ќе ја најдат исчезнатата туристка жива и здрава.