Регион
Две лица спроведени во Загреб поради сексуална злоупотреба на дете и детска порнографија
Судиите што го истражуваа Жупанискиот суд во Загреб осудија 29-годишник на едномесечен притвор за сексуална злоупотреба на дете и воведување деца во порнографија, а на 42-годишник за искористување деца за порнографија.
Загрепското Општинско државно правобранителство денеска извести дека судиите во двата случаја одредиле притвор на осомничените поради опасност од повторување на кривичното дело.
Од таму наведуваат дека 29-годишникот се товари за кривичните дела сексуална злоупотреба на дете што не наполнило 15 години и воведување 13-годишник во порнографија, што го извршил на почетокот на февруари во Загреб.
Порталите објавија дека тој се сомничи оти комуницирал со малолетникот преку социјалните мрежи и разменувал порнографски содржини, како и дека се сретнал со детето во Загреб кога ги извршил гореспоменатите кривични дела.
Посочуваат и дека при претрес во неговиот дом и други простории биле пронајдени лаптоп и мобилен телефон со сомнителна содржина. Во друг случај, на 42-годишен маж му беше изречена мерка притвор под сомнение дека од март 2018 година до крајот на март оваа година преку интернет купувал детска порнографија.
Обвинителството во Загреб го сомничи дека прибавил и складирал за себе 16.147 фотографии и 270 видеа со детска порнографија иако знаел дека на споменатите фотографии и видеа има деца и дека не е дозволено чување и пребарување таква содржина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.