Регион
Дедото на Данка: „Никогаш немаше да ги обвинам ако ја удрea и итно ја однесea во болница“
Веќе петти ден трае потрагата по телото на двегодишното девојче Данка Илиќ од Бањско поле кај Бор. Сите надлежни екипи на полицијата пребаруваат локации во регионот за кои има некакви сомнежи, индиции или трага дека телото на девојчето може да се најде. Дедото на девојчето, Милан Илиќ, за „Нова.рс“ вели дека сите изразуваат сочувство, но дека се уште не може да поверува.
На почетокот на разговорот, Милан Илиќ истакнува дека му е исклучително тешко да го прифати сето тоа, како реалност.
„Тешко ни е, денот кога слушнавме дека ги фатиле убијците и дека всушност се работи за убиство, на сите ни беше многу лошо. Сите завршивме на интензивна нега. Не знам како, иако чудовиштата признаа, живеам во надеж. Сè додека телото не биде пронајдено, има некаква трошка надеж, искра, дека таа е жива. Детето не е игла, треба да се најде, дали некој дел од облеката, или нешто друго ако го направиле. Вака, дека ништо не можат да најдат, дека овие чудовишта ги тераат лицата да бараат од едно место на друго. Ужас“, вели дедото на Данка.
За „Нова.рс“ раскажува дека многу се плаши од тоа што убијците и го направиле на Данка, откако и го одзеле животот кој штотуку започнал.
„Не ги познавам овие луѓе, никогаш не сум ги видел. Не ми е јасно дали е можно овие нелуѓе да го направиле тоа. Нема такво нешто на земјата, јас не сум паметен. Барем да ја оставеле кога ја удриле. Ако не биле во можност, да повикале помош. Никогаш немаше да ги обвинам ако ситуацијата беше таква да ја удрат и итно да ја однесат во болница, но вака… Не посакувам зло на никого, па ни на нивните семејства, но некој горе , Бог, си ја врши работата како што треба. Мислев дека сум најсилниот, дека можам да го издржувам семејството, но почнав и да пукам“, вели Милан Илиќ.
Додава дека тие како семејство се надеваат дека ќе го најдат телото на Данка за да ја погребаат како што треба.
„Да има каде да и се запали свеќа, да знаеме каде почива. Денот кога исчезна беше последен пат кога ја видов. Со сопругата отидовме да се грижиме за Данка и нејзиниот брат, додека Ивана отиде во општината да заврши нешто. Инаку, сопругата често ги чувала и се навикнале на неа. Некогаш кога ќе не видат децата трчаа прво кај баба, но тој ден Данка ми истрча, да го гушне дедото. Јас всушност и велам на жена ми во тој момент: „А, ќе падне снег“. Неверојатно ми е“… Игравме, се шегувавме и кога ќе се сетам на сето тоа, само ми е се потешко и потешко. Не се чувствувам добро кога ќе ја видам нејзината слика на интернет и на телевизија, солзите сами доаѓаат и само се прашувам дали е можно“, низ солзи раскажува тој.
Милан посочува дека е благодарен на сите луѓе, и на полицијата што постојано прават напори да ги расветлат сите околности, но додава и дека му се тешки шпекулациите.
„Немам зборови да им се заблагодарам на сите луѓе што пребаруваат овде, полицајците даваат 1000 проценти од силите. Повеќе не гледам телевизија бидејќи не можам да ја поднесам количината на лаги и измислици. Ми пречи и тоа што одредени медиумски личности излегоа со теории на заговор против моите деца, неверојатно е колку тие страдаа. Исто така, некои таканаречени детективи кои се појавуваат на телевизија и велат дека син ми ми должи, е коцкар, и дека сум алкохоличар. Страшно е колку луѓе се подготвени да го искористат овој тежок случај“, заклучува дедото на Данка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Авантуристи од БиХ киднапирани во Мали ослободени по два месеца
Двајца државјани на Босна и Херцеговина, кои исчезнаа во африканската земја Мали пред речиси два месеца, се живи и здрави и набргу треба да се вратат кај своите семејства, објавија локалните медиуми во Босна и Херцеговина.
Марио Кокоруш и Марин Петровиќ, двајца авантуристи кои патувале во многу други земји пред Мали, според достапните информации, исчезнале на почетокот на септември и се претпоставувало дека биле или уапсени од владините сили во Мали или киднапирани од една од бунтовничките групи.
Министерството за надворешни работи на Босна и Херцеговина и Агенцијата за разузнавање и безбедност на Босна и Херцеговина (OSA) се приклучија во потрагата по нив, но досега нема информации од официјални извори за нивната судбина.
Повеќето медиуми во Босна и Херцеговина денес споделија објава од фејсбук-страница од нивниот познајник Кристијан Иличиќ, исто така авантурист и светски патник, кој тврди дека потрагата вродила со плод, па Кокоруш и Петровиќ набргу би требало да бидат слободни.
„Тие во моментот се безбедни и на пат кон главниот град на Мали и набргу ќе се вратат кај своите семејства“, напиша Иличиќ.
Тој објасни дека на барање на сопругата на еден од исчезнатите мажи се заинтересирал за нивната судбина преку своите врски во Мали и така открил дека биле киднапирани за време на вооружен напад заедно со возачот.
Иличиќ тврди дека џихадистичката група JNIM, разгранок на Ал каеда што работи во Мали, стои зад инцидентот, а не е јасно што се барало во наводното киднапирање и зошто биле ослободени.
Кокоруш, кој има докторат по електротехника, покрај државјанството на БиХ, има и германски пасош, а Петровиќ има и хрватски пасош и е професор на Машинскиот факултет во Сараево.
Регион
Во Црна Гора полицијата приведува и протерува странски државјани, запален бар во турска сопственост
По инцидентот што ја потресе подгоричката населба Забјело во саботата, црногорската полиција приведе десетици странски државјани и спроведува низа проверки, а двајца мажи од Азербејџан и од Турција се уапсени под сомнение за учество во насилството. Во меѓувреме, нападнат е и бар во турска сопственост.
Како што соопшти Полициската управа, уапсени се азербејџанскиот државјанин Ј. Г. (31) и турскиот државјанин Н. Д. (54), осомничени за кривично дело насилно однесување. Според полицијата, тие го нападнале и повредиле жителот на Подгорица М. Ј. пред две ноќи во населбата Забјело.
За време на истрагата, приведени се 45 лица, претежно странски државјани од Турција и од Азербејџан. Сите тие биле предмет на кривична обработка и проверки поврзани со легалноста на нивниот престој во Црна Гора. Полицијата открила неколку неправилности – издадени се седум прекршочни потерници за кршење на Законот за странците, осум лица се протерани од земјата, а на двајца им е наредено да останат и редовно да се јавуваат во полиција додека не се заврши постапката.
Полицијата апелира до граѓаните да останат достоинствени и смирени и да не подлегнуваат на емоции или повици за линч.
„Во секоја заедница има поединци што со своето однесување го нарушуваат јавниот ред и мир, но задача на властите е да ги идентификуваат и гонат ваквите појави во согласност со законот. Полицијата решително продолжува да спроведува мерки за зачувување на довербата на граѓаните, меѓуетничката и меѓуверската хармонија, како и безбедноста на сите во Црна Гора“, се вели во соопштението.
Полицијата исто така најави дополнителни проверки на странци во соработка со Министерството за внатрешни работи, Даночната управа и други надлежни органи со цел да се утврдат сите неправилности поврзани со престојот и деловните активности на странските државјани на територијата на Црна Гора.
Во саботата вечерта тројца турски државјани се забарикадираа во казино во Забјело по што полицијата ги изнесе и приведе двајца од нив. Потрагата по тројцата напаѓачи, кои, според неофицијални информации, се исто така турски државјани, е во тек. Тие се осомничени дека со нож тешко повредиле жител на Подгорица.
Во меѓувреме, ситуацијата дополнително ескалира. Продавница во сопственост на турски државјанин е уништена на булеварот Иван Црноевиќ во Подгорица. Снимките што се појавија на социјалните мрежи покажуваат скршени излози, запален објект и целосно уништена кујна.
View this post on Instagram
Видеото објавено на фејсбук-страницата „Очи Подгорице“ предизвика бурни реакции од јавноста, а властите истражуваат дали станува збор за чин на одмазда поврзан со инцидентот во Забјело.
Полициската управа објави дека ќе го зголеми надзорот врз престојот на странските државјани и ќе примени бескомпромисни мерки против оние што ги кршат законите на Црна Гора.
„Кога ќе се утврдат неправилности, веднаш ќе се поведат постапки за откажување на престојот и депортација со цел да се зачува безбедноста на граѓаните и да се заштити правниот поредок на државата“, соопшти полицијата.
Државните власти велат дека заедничкото дејствување – од страна на полицијата, Министерството за внатрешни работи, Даночната управа и други институции – ќе ги санкционира сите форми на кршење на законот, но исто така ќе спречи обиди за поттикнување меѓуетнички тензии.
Црна Гора, се вели во соопштението, „останува отворена и безбедна земја за сите што ги почитуваат нејзините закони и институции“.
Регион
(Видео) Возачот што усмрти тричлено семејство во Белград бил пијан и под дејство на дрога
24-годишниот Н. Ѓ. од БиХ, вчера, еден час по полноќ, со голема брзина удрил во друго возило со своето „ауди“ во Нов Белград, при што на самото место загинало тричлено семејство, кое се наоѓало во автомобилот „хјундаи“. Нивото на алкохол во крвта на возачот било измерено на 1,17 промил, а бил позитивен и на канабис. Тој денес ќе биде сослушан во Вишото јавно обвинителство во Белград, пренесува српски „Телеграф“.
View this post on Instagram
Во стравотната сообраќајна несреќа животот го изгубија сообраќајниот полицаец Б. Ж. (43), неговата сопруга Д. К. (38) и нивниот деветгодишен син М. Ж. Совозачот од „аудито“, Ј. П. од БиХ, кој исто така бил под дејство на алкохол, со ниво во крвта од 1 промил, е во тешка состојба на Ургентниот центар. Лекарите му дијагностицирале тешки повреди опасни за животот.
View this post on Instagram
Вицепремиерот и министер за внатрешни работи Ивица Дачиќ ги потврди деталите за несреќата што се случила околу 00.50 часот на улицата Омладинска бригада.
View this post on Instagram
„Возачот на ‘аудито’, Н. Ѓ. (24), државјанин на БиХ, е уапсен поради постоење основи на сомнение дека сторил кривично дело тешки дела против безбедноста во јавниот сообраќај. Утврдено е дека возел под дејство на алкохол во крвта од 1,17 промил“, рече Дачиќ.
View this post on Instagram
Тој потврди дека настрадало семејството во „хјундаито“, а дека возачот ќе биде приведен до 48 часа.
фото: принтскрин
Уапсени двајца полицaјци осомничени за разбојништвото на златарницата во Гостивар, се трага и по други лица
Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители...
Приведени две лица од раководството на ЈП „Комунална хигиена“
Приведени се две лица од раководството на Комунална хигиена, соопштија од Основното јавно обвинителство. Како што додаваат од таму, лицата...
Локацијата на ГОБ „8 Септември“ на Мицкоски му изгледа како одлична за нов клинички центар: Има три булевари, гасна поврзаност, но да оставиме експертите да кажат
Премиерот Христијан Мицкоски чека да завршат локалните избори за да распише повик за финансиски институции што ќе понудат кредити за...
Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД
Не е точно дека постои разговор за коалиција со Рамиз Мерко, не преговарам со луѓе на црната листа на САД,...
Кривична против полицаец: пукал со пиштолот во просторија во СВР Струмица откога потпишал решение за отстранување од работното место
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
(Фото) Општина Центар: Се отстрануваат паднатите дрвја кај училиштето „Киро Глигоров“
Општина Центар информира дека во моментот екипите на ЈП „Паркинзи на Општина Центар“ и ЈП „Паркови и зеленило“ работат на...
(Фото) 30-дневен притвор за скопјанецот што со пиштол крадеше во филијали за брзи кредити
Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...
На „Дижонска“ уапсен скопјанецот што пукаше со пиштол во Чаир
Вчера околу 20 часот на улицата „Дижонска“ во Скопје, полициски службеници од СВР Скопје го лишија од слобода 30-годишниот Р.Т....
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен...
Две сообраќајни несреќи и одрон на автопатот Скопје – Велес после патарината Сопот
На автопат Скопје – Велес после патарина Сопот пред тунелите на Башино село поради одрон на левата коловозна лента сообраќајот...
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да...
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информира за ситуацијата во текот на целата ноќ....
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за...
Мицкоски: Кога Јакимовски бараше поддршка го замолив да нема бетонизација, а потоа ми рече ‘морам од нешто да живеам’
Претседателот на ВМРО-ДПМНЕ, Христијан Мицкоски, од маалска средба во општина Карпош порача дека е време за промена и крај на,...
И меѓународната заедница гледа со неверување дека некој во 21 век може да се однесува така, рече Мицкоски по повиците за етничко гласање во вториот круг
Претседателот на ВМРО-ДПМНЕ, Христијан Мицкоски, денеска од Брвеница испрати порака дека сите кои работат за иднината на државата имаат негова...
(Видео) Филипче најави политички и кадровски промени во СДСМ
Претседателот на СДСМ,Венко Филипче, во изјава за медиумите по првиот круг од локалните избори истакна дека партијата бележи раст во...
(Видео) СДСМ деновиве ќе одлучи кого ќе поддржи во општините каде што нема свој кандидат за градоначалник
Претседателот на СДСМ, Венко Филипче, изјави дека партијата во следните денови ќе одлучи кого ќе поддржи во општините каде што...
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата...
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне...
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските...
