Регион
(Видео) Додик го одликуваше Путин со Орден на Република Српска
Претседателот на Република Српска, Милорад Додик, го одликуваше претседателот на Руската Федерација, Владимир Путин, со Орден на Република Српска.
„Путин е одговорен за развивање и зајакнување на соработката и политичките и пријателски односи меѓу Република Српска и Русија. Има заслуги во областа на јавните дејности кои придонесуваат за севкупниот и заеднички политички, економски, социјален и економски раст и развој“, рече Додик во Бања Лука, пренесе „РТРС“.
Орденот ќе биде врачен наскоро, на првата средба меѓу Додик и Путин.
Додик му се заблагодари на Путин за поддршката на Република Српска.
„Благодарение на позицијата на Владимир Путин и силата на Руската Федерација, гласот и позицијата на Република Српска се слушаат и се почитуваат и нејзината позиција е зачувана под налетот на меѓународниот интервенционизам“, рече Додик.
Додик им додели признанија на заслужни граѓани и институции по повод Денот на Република Српска.
Се доделуваат награди за особени заслуги во развивањето и зајакнувањето на соработката, како и за политичките односи меѓу пријателските земји и заслуги во областа на јавните активности кои придонесуваат за политички, економски, социјален и економски раст и развој, како и за здравствениот, социјалниот, културниот , спортот и секој друг вид напредок на целото општество и особен придонес во создавањето и зачувувањето на Република Српска, манифестацијата на лична храброст, како и врвните достигнувања кои севкупно го зајакнуваат мирот, стабилноста и просперитетот на Република Српска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Патник добил порака за поставена бомба во авион: на аеродромот во Сараево активирана кризна ситуација
Околу 17 часот и 50 минути на Меѓународниот аеродром во Сараево е повторно започната процедурата за тревога и известување откако еден од патниците на летот Меминген – Сараево добил порака со заканувачка содржина, пренесува „Radiosarajevo.ba“.
Патникот добил дојава за поставена бомба во авионот.
Пораката пристигнала додека авионот бил над Хрватска, а авионот слетал на аеродромската писта во Сараево, по што бил спроведен кризен акциски план.
Информацијата ја потврдила и Белма Чурековиќ, портпарол на сараевскиот аеродром за порталот „Radiosarajevo.ba“.
Во авионот имало 190 луѓе.
Локалните медиуми потсетуваат дека денеска, во 15 часот и 36 минути, на Меѓународниот аеродром во Сараево била пристигната електронска пошта со заканувачки содржини дека на аеродромот се поставени експлозивни направи.
Според написите, била направена контрадиверзантска проверка на целиот меѓународен аеродром во Сараево и се покажало дека дојавата за поставени експлозивни направи е лажна.
Регион
На Света Гора можен земјотрес од 6 степени, сеизмолог ги советуваше населението и монасите да внимаваат
Професорот по сеизмологија Костас Папазахос оцени дека по серијата земјотреси што се случија во неделата на грчкиот полуостров Халкидик, чиј епицентар беше на Света Гора, нема причина за загриженост и оти земјотреси од оваа јачина се секојдневна појава во Грција.
Сепак, тој посочи дека не е исклучена можноста од земјотрес со јачина од 6 степени според Рихтеровата скала и ги советуваше населението и монасите на Света Гора да бидат внимателни.
Папазахос и порталот „Халкидикњуз“ соопштија дека вчера имало „сеизмичка серија на локација што е стимулирана во последните неколку недели“ и оти оваа серија може да заврши по неколку месеци, но дека може да има и земјотрес што би надминувал 5,5 и да достигне блиску до 6 степени според Рихтеровата скала.
„Најблиските области, како Уранополис, сè до Амуљани и Неа Рода и особено Света Гора, треба да бидат внимателни и да не користат стари објекти“, додаде Папазахос.
Епицентарот на вчерашниот најсилен земјотрес од 4,2 степени според Рихтеровата скала бил на 19 километри од Неа Рода на Атос, а другите земјотреси од таа серија биле со јачина од 2,4 до 2,8 степена, покажуваат податоците на Европско-медитеранскиот сеизмолошки центар (ЕМСЦ).
Регион
(Видео) Тројца мигранти загинаа во Грција, 25 исчезнати по превртување брод
Најмалку тројца мигранти загинаа, а 25 се водат за исчезнати кога бродот со кој го преминаа Средоземното Море кон Европа денеска потона во близина на грчкиот остров Самос.
#refugeesgr #GreeceFascistState #samos
Μέχρι στιγμής, 5 άτομα βρέθηκαν στη ξηρά, ενώ τρία έχουν πνιγεί. Ο αριθμός των αγνοουμένων ανέρχεται σε 25 άτομα. pic.twitter.com/Hq0tFcBEV5— Paggio 🔥 (@PaggioI) September 23, 2024
Досега се спасени пет мигранти, а во потрагата се вклучени четири брода на крајбрежната стража и еден хеликоптер, која сè уште е во тек, пренесува „Ројтерс“.
Потрагата продолжува во северозападниот дел на островот во близина на населбата Агиос Исидорос.