Регион
Додик за Шмит: Тој е лажго и измамник
Претседателот на Република Српска, Милорад Додик, изјави дека високиот претставник во Босна и Херцеговина, Кристијан Шмит, е лажго и измамник.
„Само измамник и лажго како Кристијан Шмит може да каже дека 9 јануари е создаден поради жртвите. Но, 1 март, кој со муслиманите го слави речиси целиот дипломатски кор, е денот кога во срцето на Сараево во името на Исламската држава на свадбена веселба беше убиен невин Србин, тоа, господине Шмит, е празникот на криминалот и почетокот на крвопролевањето“, напиша Додик на „Твитер“.
Во Република Српска 9 јануари се слави како Ден на Републиката и покрај одлуката на Уставниот суд на Босна и Херцеговина, кој го оспори одбележувањето на тој датум како Ден на РС.
Шмит за регионалната телевизија „Н1“ синоќа изјави дека 9 јануари „практично произлезе од жртвите, товарот што го носат жртвите на Сребреница“.
„Не можам да дозволам тоа да се случи. Тој е претседател на РС, не е претседател на Србите, туку на мултиетничкиот ентитет во Босна и Херцеговина. Ги вклучува и Бошњаците и Хрватите“, рече тој.
Шмит најави дека меѓународната заедница во Босна и Херцеговина во иднина „ќе иницира работи што се направени за луѓето што страдаа од 1991 до 1995 година“.
„Веќе имам некои работи во мојата глава по тоа прашање, нема да попуштиме“, рече тој.
На 9 јануари 1992 година Собранието на српскиот народ во Босна и Херцеговина, во кое беа вклучени српски пратеници избрани на првите повеќепартиски избори во Босна и Херцеговина, усвои декларација, со која се прогласува Република српски народ на Босна и Херцеговина.
Подоцна беше преименувана во Република Српска, пренесе „Денес.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Момчето убиец пристигна во судот во Белград: се очекува негово сослушување, шокантни сцени пред и во објектот
Малолетниот убиец од белградското основно училиште, кој на 3 мај минатата година уби десет ученици и обезбедувач, првпат по масакрот дојде во Специјалниот суд во Белград пред кој има вооружени полицајци, пишува „Блиц.рс“.
Момчето ќе биде специјален сведок на судењето на своите родители.
Како што јавија репортерите на „Блиц“ од местото на настанот, момчето убиец со возило на брзаѕта помош било донесено на задниот влез на Специјалниот суд. Возилото било придружувано од два полициски џипа што ротирале.
Пред Специјалниот суд има вооружени полицајци со пушки, кои ги обезбедуваат и судот и судењето.
Исто така, има и неколку полициски возила.
„Денеска, се очекува сослушувањето на малолетниот убиец. Тој има право да одбие да сведочи имајќи предвид дека веќе е сослушан. Ова е прва можност семејствата на убиените да поставуваат прашања што ги мачат веќе една година“, им рече адвокатот Огњен Божовиќ на новинарите.
Како што јавуваат новинарите на „Блиц“ од местото на настанот, шокантни се сцените пред и во судот. Секој час пристигнуваат родителите на убиените деца. Во судот влегуваат потиштени, со наведнати глави.
Регион
Ден на жалост во БиХ: бројот на жртвите во поплавите се зголемува, спасувачите и денеска се на терен
Денеска е ден на жалост на целата територија на Босна и Херцеговина поради катастрофалните поплави и одрони што зафатија делови од земјата. Во БиХ сè уште има жртви од поплавите и тој број постојано расте. Спасувачите и денеска се на терен, пренесуваат локални медиуми.
Состојбата со поплави и одрони во погодените подрачја сè уште е исклучително тешка, а операциите за пребарување и чистење на насобраниот насип и материјал продолжија и денеска.
Водата и одроните уништија десетици куќи и оштетија инфраструктура.
Градоначалникот на Јабланица, Дамир Шабановиќ, деновите од неделата до вторникот ги прогласи за денови на жалост по повод трагичната смрт на неколку граѓани во несреќата што го зафати подрачјето на Јабланица.
Регион
По трагедијата во „Рибникар“: момчето убиец првпат во суд и по подолго време пред родителите, местото преполно со полиција
Момчето убиец од Основното училиште „Владислав Рибникар“ утрово е донесено од болницата, каде што е сместено во зградата на Специјалниот суд, каде што денеска треба да биде сослушано во кривичната постапка против неговите родители.
Момчето убиец со возило на брзата помош било донесено на задниот влез на Специјалниот суд. Возилото било придружувано од два полициски џипа со ротации, пренесуваат тамошните медиуми.
Според написите, пред Специјалниот суд има вооружени полицајци со пушки, кои ги обезбедуваат и судот и судењето. Има и неколку полициски возила.
Српските медиуми потсетуваат дека момчето убиец, кое го изврши масакрот во ОУ „Владислав Рибникар“ на 3 мај минатата година, првпат ќе се сретне лице в лице со семејствата на неговите жртви, како и со неговите родители, откога уби невини деца и училиштен чувар, а од поведувањето на обвинението му беше забрането да комуницира.