Регион
(Видео) Драмата во Грција не запира: пожарот во Атика сѐ уште беснее, ветерот го отежнува гасењето
Пожарот што избувна во неделата на североистокот на Атика, на 35 километри од Атина, сѐ уште беснее, а пожарникарите во текот на ноќта безуспешно се обидуваа да го локализираат.
Должината на огнениот фронт е 20 километри, а жителите на локалните населени места се предупредени да се подготват за евакуација, пишува „Катимерини“.
❗️🔥🇬🇷 – Almost 300 firefighters and 54 teams have tried to put out a fire that has been active for more than 48 hours in Crete, Greece.
Hundreds of people have been evacuated preventively and there are several areas without electricity. pic.twitter.com/FIypCqkQwP
— 🔥🗞The Informant (@theinformant_x) August 9, 2024
Грчката полиција (ЕЛАС) апелира до граѓаните да избегнуваат какво било движење кон подрачјата зафатени од пожарите и поради сопствена безбедност да се придржуваат до издадените упатства за евакуација на подрачјето.
Исто така, апелира до граѓаните да се овозможи непречено движење на противпожарните возила.
Освен населбите, поради пожарот, евакуирани се и Детската болница и Воената болница во Пантели.
Евакуиран е и манастирот „Свети Ефрем“ во регионот на Анадолија, како и манастирот „Пентели“.
Во гаснењето на пожарот се вклучени речиси 1.000 пожарникари, професионални и доброволни, како и локални жители, но и 35 авиони, пишува порталот „Товима“.
Пожарот, кој избувна околу 15 часот во неделата, бргу напредуваше кон езерото Маратон, важен резервоар што ја снабдува Атина со вода, изјави полковник Василис Ватракојани, портпарол на противпожарната служба.
Сѐ уште не е познат бројот на оштетените куќи.
Ватракојанис рече дека ветровите достигнуваат ураганска сила во областа на пожарот, а пламените јазици биле високи повеќе од 25 метри. Небото над Атина се затемни со густ чад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.