Регион
Евра летале во воздухот – Словенец за 80-от роденден во кафеана поделил 600.000 евра
Фердинанд oд Словенија на 10 мај го прослави својот 80-ти роденден. По тој повод ги поканил роднините и пријателите во гостилница и им приредил не само забава, туку и изненадување кое веројатно нема да го заборават до крајот на животот.
„Беше како на филм“, изјави за sobotainfo.com еден од гостите на роденденската прослава и додаде:
„Кога еврата почнаа да летаат во воздух, прво мислевме дека е хартија или ѓубре. На изненадување на сите, тоа не беше обична хартија, а камоли ѓубре. Тоа беа пари. Многу пари!”
Фердинанд на 24 години ја напуштил родната Долња Бистрица и го започнал својот живот. Патот го однел во Канада, каде што работел како заварувач и монтер на парно греење, а во 2006 година се пензионирал како мајстор.
Меѓутоа, Фердинанд „преку океанот“ се збогатил и со недвижен имот. Затоа, на прославата на својот 80-ти роденден, решил да сподели дел од ова богатство.
Почнало прилично пристојно. Фердинанд првично требало да им ги подели парите на своите блиски роднини, но на крајот фрлал пари во воздухот и за другите гости. Вкупно потрошил дури 600.000 евра, од кои најмалку 10.000 евра за трошоци за угостителство, музика, лотарија, „топчиња“ од долари.
Не е познато колку гости имало на прославата, пренесува „Н1“.
За време на прославата на роденденот, тој најпрвин организирал богата лотарија, на која сите гости (и домаќини во гостилницата) при пристигнувањето, покрај аперитивите, влечеле ливче и добилае убави награди, главно ваучери, одмор… Особено интересни биле банкнотите од еден американски долар. Илјада такви банкноти замотал во форма на топчиња и ги расфрлал по масите и меѓу гостите.
„Некои мислеа дека е ѓубре и неволно набљудуваа се, а други ревносно го подигнаа овој „отпад“. Некои се крстеа, други останаа во шок“, вели тој.
Кога дознале за што се работи, почнала општа гужва.
„На крајот сите ги собираа топчињата“, вели Фердинанд.
Роден е во виорот на Втората светска војна, животот не го разгалил. По завршувањето на основното училиште почнал да учи за ѕидар како чирак. Поради здравствени проблеми подоцна го избегнал воениот рок. Потоа се вработил како курир во некогашното одделение ЧЗП. Како што вели, му советувале да го продолжи образованието за да добие подобра работа, но во 1967 година решил да замине во Австрија. Сепак, по само осум месеци решил да ја промени државата.
Овој пат на 24-годишна возраст решил да си ја побара среќата во Канада. Прво се вработил на кратко во една текстилна фабрика во Монтреал, каде што добивал само 45 центи на час, а по само два месеци заминал во Торонто, каде било многу подобро. Бил заварувач и мајстор за централно греење, но работел и неколку други споредни работи.
Повторно, како што објасни, бил чирак, за што не жали, бидејќи научил многу, особено заварувањето на различни материјали, што било многу важно за еден голем индустриски град. Во принцип, тој многу го подобрил своето знаење, а кога се вработил во рафинерија за нафта, неговата плата била 65 долари на час.
Тој се пензионирал во 2016 година од позицијата домар, која ја извршувал на еден од универзитетите во Торонто. Тогаш конечно можел да се посвети на своето омилено хоби, скапите и ретки автомобили. Имено, тој стекнал богатство на сосема поинаков начин – преку недвижен имот.
Со оглед на тоа што напорно работел, пари имал се’ повеќе и повеќе, па решил да почне да купува недвижен имот. Прво зел блок со осум стана, а по неколку години уште еден нов блок со 15 апартмани. Самиот ги одржувал и изнајмувал. Но, за да го прошири бизнисот подигнал поголем долгорочен заем за да може да купува имоти, да ги развива и да ги продава по повисока цена. Тој заработил околу 2.000.000 долари од продажба на куќи, а некои пари од други имоти.
„Иако имав многу работа, често доаѓав во Словенија и горд сум на тоа. Така беше и овој пат, кога сакав да го прославам роденденот со најблиските пријатели. Повеќе од 70 роднини и неколку пријатели и соседи дојдоа. Беше и мојот пријател од Канада, одличниот водоинсталатер Јанез Плол, со кого се дружам 55 години. Беше уникатно на роденденската прослава“, објасни Фердинанд, пишува порталот „Словенске новице“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.