Регион
Европската комисија: Западен Балкан да се стрпи за слободно патување во ЕУ
Европската комисија го поздравува напредокот на земјите од Западен Балкан во однос на епидемиолошката состојба и вакцинацијата, но вели дека регионот треба да биде трпелив сè додека, конечно, не биде ставен на списокот на безбедни земји чии граѓани нема да бидат ограничени при влез во ЕУ.
„Не сакаме да создадеме ситуација во која граѓаните на Западен Балкан ќе бидат третирани полошо отколку што дозволува здравствената состојба во регионот. Но, ЕУ не сака на кој било начин да го загрози напредокот што е постигнат во борбата против пандемијата и сето тоа со цел да се ослободи од сите ограничувања и да им се овозможи на сите можност да патуваат“, изјави портпаролот на Комисијата Аделбер Јанц , пренесува „Танјуг“.
На констатацијата на медиумите дека граѓаните на Западен Балкан се изолирани повеќе од една година и дека последните епидемиолошки податоци покажуваат оти земјите во регионот ги исполнуваат основните критериуми предложени од ЕК како услов за ставање на листата на безбедни земји , Комисијата одговори дека ги разбираат очекувањата на Западен Балкан, но исто така и дека на земјите членки е да донесат одлука за проширување на списокот, којшто се ревидира на секои две недели.
„Советот на ЕУ ја зема предвид целата листа на критериуми, не само вкупниот број на случаи по глава на жител, туку и трендовите на нови случаи, бројот на тестови, процентот на позитивни тестови и вкупниот одговор на Ковид-19. Тоа е повеќе глобално, а не чисто нумеричко оценување, што е целосно во рацете на земјите членки “, објаснува Јанц.
Тој потсетува дека Комисијата им препорача на земјите членки да дозволат патување во ЕУ за сите патници кои примиле вакцини одобрени од ЕМА и дека веќе е овозможено патувањето на голем број граѓани од Западен Балкан.
„Ние не ја доведуваме во прашање нашата посветеност кон Западен Балкан, особено кога станува збор за безвизното патување. Ние само се обидуваме да ја поттиснеме пандемијата, која продолжува да се заканува и покрај напредокот во здравствената заштита и вакцинацијата“, заклучи Јанц.
Комисијата додава дека прашањето за политиката на проширување на ЕУ и борбата против пандемијата не треба да се ставаат „во ист кош“, односно дека би било голема грешка на основа на политичките причини – како што е поддршката за проширување на Западен Балкан, да се занемарат воспоставените механизми за борбата против пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србин кој загина во пожар во Швајцарија е прогласен за херој: Се вратил во барот за да ги спасува гостите
Четириесет лица ги загубија животите, а повеќе од 100 беа повредени во ужасниот пожар што го зафати барот Le Constellation во швајцарскиот скијачки центар Кранс-Монтана на новогодишната ноќ. Меѓу жртвите е и Стефан И. (31), обезбедување кој стана херој откако спасил неколку гости од пожарот, но, за жал, не можел да се извлече од него, пишува швајцарскиот портал „Блик“.
Стефан И. работел како обезбедување. Кога избувнал пожарот, тој мирно почнал да ги турка гостите на безбедно. Како што објавија медиумите, откако извадил неколку луѓе, се вратил во објектот зафатен од пламен за да спасува уште луѓе. Тој несебичен чин го чинел неговиот живот, пренесе „Индекс“.
🔴🇨🇭 FLASH INFO – Une vidéo capture le départ de l’incendie au bar « Le Constellation » à Crans-Montana (VS), alors que le plafond s’embrase.#Suisse #CransMontana #Incendie
pic.twitter.com/f6IL9NYuyK— Media Express (@media_express_e) January 1, 2026
Французинката која успеала да избега на време го опишала обезбедувачот како личност која „без двоумење се соочила со опасност за да ги заштити другите“, истакнувајќи ја неговата извонредна храброст и саможртва во средината на тоталниот хаос.
Стефан, Србин по потекло од Ваљево, живеел во Швајцарија 20 години, каде што имал и државјанство. Неговото семејство се надевало до последен момент дека тој преживеал.
Регион
Се очекуваат многу опасни услови за возење во делови од Србија, се испаќаат СМС пораки до граѓаните
Српскиот хидрометеоролошки завод (РХМЗ) денеска соопшти дека е активиран системот за испраќање СМС информации за итни случаи до граѓаните поради леден дожд што се очекува од 5 до 7 јануари во Срем, Белград, Јужен Банат, Поморавље, источна, западна и делови од југозападна Србија.
Во итното предупредување, наведено е дека се очекуваат многу опасни услови за возење во наведените подрачја и ги советуваат граѓаните да не тргнуваат на пат без поголема потреба како и да се подготват за можни прекини во снабдувањето со електрична енергија.
Според податоците на РХМЗ, во Белград паѓа снег, а паѓа и во Нови Сад, Зрењанин, Сремска Митровица и Ваљево. Се очекува формирање или зголемување на снежната покривка да биде од 10 до 20 сантиметри, а локално и повеќе. Градскиот превоз во Белград се одвива со големи проблеми.
ЈП „Патишта на Србија“ апелира до сите учесници во сообраќајот да не тргнуваат на пат без задолжителна зимска опрема освен ако е апсолутно неопходно, а доколку тргнат на пат да бидат особено внимателни поради лоши временски услови, да ги почитуваат ограничувањата на брзината и да го прилагодат своето возење на условите на патот. Засега автопатиштата и сите државни патишта од прв и втор ред, како и приодите кон граничните премини и планинските центри се проодни за сообраќај.
Авиокомпанијата Ер Србија објави на социјалните мрежи дека снежните врнежи може да имаат влијание врз авиосообраќајот и дека нивните служби прават се за да ја зачуваат редовноста.
Регион
Грчките земјоделци продолжуваат со блокади на граничните премини
Грчките земјоделци од денеска повторно ќе ги блокираат граничните премини со Македонија, по неколку денови пауза заради новогодишните празници. Преминот Евзони ќе биде целосно затворен за влез и излез на сите видови возила во периодот од 17 до 21 часот по македонско време.
Како што пишуваат грчките медиуми, претставници на земјоделците од цела Грција денеска напладне ќе се сретнат во Малгара, западно од Солун, за да одлучат за идниот тек на нивните протести поради одложените субвенции од Европската Унија и други поплаки. Се очекува претставници од повеќе од 50 групи за блокади на патиштата низ целата земја да учествуваат на состанокот во недела, што е трета рунда разговори што доаѓа 35 дена откако трактори беа распоредени на различни клучни точки од патната мрежа на земјата и на царинските станици на границите со соседните земји.
По еден месец протести, земјоделците се чини дека не се подготвени да се откажат и би можеле да бидат подготвени да ја ескалираат својата акција. Се очекува нивното раководство да предложи да маршираат со своите трактори до главниот град, Атина.
Земјоделците протестираат против трошоците за производство и сакаат гарантирани цени на производство што би ги покриле – мерка што би ги прекршила регулативите на Европската Унија – како и субвенционирани цени на електрична енергија, ослободување од данок на додадена вредност и безцарински увоз на производи од региони со кои ЕУ има потпишано трговски договори. Тие исто така бараат итно удвојување на пензиите и, протестирајќи против доцнењата во исплатата на субвенциите по скандалот со земјоделските субвенции, бараат владата да ја поништи својата одлука, наметната од ЕУ, во суштина да ја укине агенцијата за исплата на субвенции OPEKEPE и да ја префрли одговорноста на независниот даночен орган AADE. Земјоделците се исто така против систем за евидентирање на производството и пратките преку интернет.
Владата сега ги разгледува своите следни чекори, таа е сосема свесна за потенцијалните политички последици од судирите. Поддршката за владејачките конзервативци претрпе удар во селата, многу повеќе отколку во градовите, а изборите се наѕираат во првата половина од 2027 година, или дури и порано, со моменталните анкети што предвидуваат победа на конзервативците, но далеку од вкупно мнозинство во Парламентот.

