Регион
Еден човек спаси многумина: Не дозволи автобуси да поминат по мостот на Морава минути пред да се урне

Мостот на Западна Морава, кој ги поврзува чачачките села Мрчајевци, Мршинци и Слатина, рано утрово беше целосно уништен од поројните дождови и обилните врнежи од дожд кои го зафатија Чачак и околината.
Моментот на уривањето на мостот го снимил Немања Богосављевиќ, кој видел кога се скршиле столбовите и спречил поголема несреќа запирајќи автобус кој сакал да помине преку мостот.
Во моментот на уривањето, на мостот немало никој, а мостот веќе бил оштетен од поплавите и сообраќајот преку него бил забранет. Одлуката за прекин на сообраќајот на овој мост е донесена на 7 ноември 2022 година. Мештаните сепак го користеа тој мост бидејќи е најкратката врска меѓу селата, а алтернативната траса е долга 40 километри.
Немања Богосављевиќ утрово околу 6:20 излегол да види што се случува со нивото на Морава, дали ги поплавила нивите, а потоа отишол да види во каква состојба е мостот, бидејќи е оштетен.
„Синоќа во 22 часот мостот се држеше перфектно, немаше поголеми проблеми, освен дрвото што го држеше столбот, утрово кога дојдов, во 6 часот и 20 минути видов дека се скршил столбот. Морав да се вратам во куќата, во истиот момент повикав полиција, реков дека мостот ќе се урне затоа што се скршиле столбовите“, изјави Немања.
Како што истакна, по 7-8 минути се вратил на Морава и наишол на неколку автобуси, возила со турски работници кои работеле на Моравскиот коридор, кои сакале да го поминат мостот. Тој вели дека се обидувал да ги претекне и да ги спречи да го преминат мостот.
„Успеав некаде да го блокирам преминот на автобусот на мостот. Во тој момент, по околу половина минута дојде полиција и успеавме да спречиме голема катастрофа“, рекол Немања, кој потоа се симнал и ја насочил камерата кон мостот токму во моментот кога мостот се урнал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео/Фото) Србите и Унгарците одржаа заедничка воена вежба

Србија и Унгарија одржаа заедничка воена вежба „Соседи 25“ со цел зголемување на нивото на соработка меѓу армиите на двете земји и размена на борбени искуства, соопшти српското Министерство за одбрана.
Вежбата се одржа на воениот полигон Пасуљанске ливаде со учество на припадници на Првата бригада на српската армија и 30-та механизирана бригада на Унгарија.
За време на повеќедневната вежба, војниците заедно ги вежбаа дејствата на единиците во тактички операции, вклучително и употребата на современи борбени возила, комуникациски системи и опрема за собирање и обработка на разузнавачки информации.
Ова е десетта заедничка вежба наречена „Соседи“ што ја спроведуваат вооружените сили на Србија и Унгарија.
Регион
Во Бугарија и Романија на сила црвен метео аларм поради обилни дождови

Во Бугарија и Романија на сила е црвен метео аларм поради обилни дождови. Обилните дождови продолжија да ја погодуваат Бугарија, што доведе до затворање на патишта, прогласување црвен метео аларм во неколку области, а 51 населено место останаа без електрична енергија поради бурата. Надлежните органи го интензивираат надзорот над сите мостови и инфраструктура што е потенцијално оштетена од поплавите, пишува денес „Новините“. Службениците предупредија дека секоја локација што е изложена на ризик ќе биде веднаш затворена.
Граѓаните се повикуваат да бидат внимателни, да избегнуваат патувања и да ги следат упатствата на надлежните служби. Бугарскиот национален институт за метеорологија и хидрологија прогласи црвен метео аларм, највисоко ниво на предупредување, за осум области каде што се очекуваат повеќе од 65 литри дожд на квадратен метар, пренесува Танјуг.
Во исто време, властите објавија дека Бугарија ќе побара помош од Европскиот фонд за солидарност за погодените места поради предизвиканите штети.
Метеоролозите во Романија денес го продолжија црвениот временски аларм поради предвидените обилни врнежи од дожд за пет области и градот Букурешт со можност за врнежи до 140 литри на квадратен метар.
Според најновото предупредување на Романската национална метеоролошка управа (ANM), од 21 часот на 7 октомври до 15 часот на 8 октомври се очекуваат обилни врнежи од дожд во неколку области, пишува романската новинска агенција Аѓерпрес.
Фото: принтскрин
Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин