Регион
Ердоган го назначи својот зет за министер за финансии
Турскиот претседател, Реџеп Таип Ердоган, ги назначи членовите на својот кабинет, кој го сочинуваат заменик-претседател и 16 министри, а Министерството за финансии му го довери на својот зет, Берат Албајрак.
Албајрак (40) од 2004 година е во брак со постарата ќерка на Ердоган, Есра, а од 2015 година ја вршeше функцијата министер за енергетика.
Пред Ердоган да го назначи на оваа позиција, Албајрак работел во компанијата „Чалик холдинг“, турска енергетска и градежна компанија стационирана во Њујорк. На само 29 години, во 2007, тој станал извршен директор, а една година подоцна „Чалик“ го купи и турскиот дневен весник „Сабах“.
Истата година кога станал министер, неговиот брат Серхат бил назначен за директор на „Чалик медиа“.
Како што информираат регионалните медиуми, Ердоган и браќа Албајрак доминираат во земјата, а турскиот претседател речиси за секоја поважна одлука бара совет од својот зет.
Берат патува заедно со Ердоган во претседателската лимузина, а во турската јавност се зборува дека на состаноците на кабинетот покажува голема блискост и лојалност кон својот дедо.
Пренесувајќи сведоштва, турските медиуми пишуваат дека тој често се однесувал како и самиот да е претседател и им давал насоки на министрите како да раководат со своите ресори.
Инаку, Ердоган одлучи со Министерството за одбрана да раководи Хулуси Акар, а шеф на дипломатијата и натаму ќе биде Мевљут Чавушоглу.
Фуат Октај, поранешен советник во канцеларијата на премиерот – функција која е укината, е именуван за заменик-претседател.
Ердоган во текот на вчерашниот ден положи заклетва како прв турски претседател со проширени овластувања, а Турција го привршува процесот за транзиција од земја со парламентарен модел во претседателски систем.
Во контекст на ова, укината е функцијата премиер, со цел претседателот самиот да може да го бира својот кабинет и да управува со министерствата без неопходно одобрување од Парламентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Дачиќ: Уапсен Хрват за време на протестите, толку за тоа дека овие протести немаат никаква врска со надворешен фактор
Српскиот министер за внатрешни работи Ивица Дачиќ по полноќ објави дека полицијата била подложена на брутално насилство и дека најмалку 42 полицајци биле повредени, најмногу во Белград – 26, седум во Валево и девет во Панчево, објави РТС.
Уапсени се 37 лица, меѓу кои и хрватски државјанин, идентификуван како Б. Х. (23), кој, според Дачиќ, ја нападнал жандармеријата.
„Толку за тоа дека овие протести немаат никаква врска со надворешен фактор“, рече Дачиќ, кој е и заменик-премиер на српската влада, која ги нарекува протестите обоена револуција, со обвинувања дека се поддржани и платени од странство.
„Амбасадата на Република Хрватска не е официјално информирана дека некој е уапсен, па затоа не можеме да кажеме ништо повеќе“, изјави Иван Зеко-Пивач, заменик-шеф на дипломатската мисија во хрватската амбасада во Белград, за „24 сата“.
„Доколку информациите се точни, Република Србија ќе нѐ контактира со дипломатска нота, дури кога ќе се утврди притвор“, вели Зеко-Пивач.
Тој исто така додава дека се поставува многу важно прашање дали уапсеното лице има двојно државјанство.
„Доколку е и хрватски и српски државјанин, тогаш немаме можност за конзуларно дејствување на територијата на Република Србија“, заклучи тој додавајќи дека „вообичаен наратив е дека постои некаков странски фактор, па затоа сè треба да се земе со резерва“.
фото: принтскрин
Регион
(Видео) Пратеник претепан во Белград: „Ме удираа со шипки по главата“
Протестите што се одржаа низ цела Србија вчера вечер, беа обележани со високи тензии и низа инциденти. Во Белград, во близина на зградата на Генералштабот, поддржувачите на Српската напредна партија (СНС) постојано пукаа со пиротехнички средства преку кордонот на жандармеријата кон граѓаните.
Слични напади беа забележани и во други делови од градот, а полицијата фрли солзавец кон демонстрантите. Солзавец беше употребен и во Нови Сад и во неколку други градови.
Напад врз пратеник на опозициската партија
Околу 22:30 часот, Партијата за слобода и правда објави на Икс дека нивниот пратеник Пеѓа Митровиќ бил брутално претепан за време на протестот во Белград. Во соопштението се наведува дека неговата „глава била скршена од насилниците на Српската напредна партија“, дека бил „удрен со шипка по главата и неколку пати по телото“ и дека „моментално е на пат кон болница“.
Митровиќ рече дека, без никаква причина, бил нападнат од седум или осум маскирани мажи. „Се нафрлија врз мене, а кога им кажав дека сум пратеник, рекоа дека не се заинтересирани и почнаа брутално да ме удираат по главата и нозете со шипки“, рече тој.
„Почнаа да ме малтретираат и навредуваат. Кога сфатив дека немаат поим што прават и дека може да заврши многу лошо, се засолнив и избегав, бидејќи видов дека имам работа со луѓе кои очигледно полуделе“, додаде Митровиќ.
Тој ја обвини власта за нападот: „Ова е резултат на работата и политиката на режим кој се распаѓа во насилство. Кога владата слободно ги ангажира хулиганите на СНС брутално да тепаат мирни граѓани, тоа е колапс на државата. Јас не провоцирав никого, стоев мирно и протестирав, но хулиганите имаа наредба брутално да ги тепаат сите. Јас сум меѓу луѓето кои имаат исклучително сериозни повреди. Ова не смее да биде Србија на Вучиќ, бидејќи диктатор чија моќ завршува е подготвен да употреби најстрашно насилство. Нема да избегате од одговорност, ниту вие, ниту вашите фаланги.“
Според извештаите од теренот, атмосферата на улиците на Белград и другите градови останала напната по полноќ, со присуство на полициски и жандармерски кордони, но сепак некако помирна од претходно.
фото: принтскрин
Регион
(Фото/видео) Просториите на СНС во Нови Сад целосно демолирани во вчерашните протести
Вчера вечер, нови големи протести се одржаа на улиците на Србија, во сите поголеми градови.
21.20h nema vise sns prostorija na bulevaru … potpuno su demolirane . pic.twitter.com/2GZ760TlMg
— zarko bogosavljevic (@zarkobns) August 14, 2025
Некои демонстранти во Нови Сад ги демолираа канцелариите на Српската напредна партија.
21.14h preuredili sns prostorije …. pic.twitter.com/BfNHvK445E
— zarko bogosavljevic (@zarkobns) August 14, 2025
Прво ги скршија прозорците, потоа влегоа во просториите и ги извадија столовите и другите предмети.
Фрлаа јајца врз просториите, а потоа ги полеаа со црвена и бела боја. Ги демолираа просториите и напишаа пораки со спреј.
фото: принтскрин
Поднесена кривична пријава против ексдиректорката од Демир Хисар за криење службени печати
Полицијата поднесе кривична пријава против поранешна директорка на средно училиште во Демир Хисар поради одземање или уништување службен печат или...
Ивановска: 11 часа по објавувањето на кандидатурата за градоначалничка, полицајци затропаа на мојата врата
11 часа по објавувањето на мојата кандидатура за градоначалничка на општина Центар, полицајци затропаа на мојата врата, објави поранешната претседателка...
Муцунски: Македонија е рангирана меѓу првите во Европа и шеста во светот по обем на гринфилд-инвестиции
Министерот за надворешни работи и надворешна трговија, Тимчо Муцунски, и директорот на Дирекцијата за технолошко-индустриски развојни зони, Гоце Димоски, денеска...
ДПИ со контроли за попустите на училишниот прибор, казните за непочитување се од 800 до 10.000 евра
Тимовите на Државниот пазарен инспекторат од денес на терен ги контролираат правните субјекти дали се придржуваат до одредбите на владината...
(Видео) Мицкоски: Капацитетите на Армијата се зголемуваат – нови 29 оклопни возила од САД
„Како претседател на Владата, секогаш еден од моите врвни приоритети била безбедноста на државата, за чување на мирот, стабилноста на...
(Видео) Лавров пристигна на Алјаска облечен во џемпер со натпис „СССР“
Рускиот министер за надворешни работи Сергеј Лавров изјави дека Москва ќе му претстави јасна и разбирлива позиција на американскиот претседател...
(Видео) Путин оди на средбата со Трамп, снимен неговиот конвој
Рускиот претседател Владимир Путин е снимен како патува во оклопна лимузина, со огромен конвој што поминува низ затворени патишта, пред...
(Видео) Ангелов: Најтешкиот пожар е во Јасен, кај Јегуновце изгубивме контрола над еден крак
Директорот на ДЗС, Стојанче Ангелов, извести дека во текот на вчерашниот ден имало повеќе од 30 пожари на отворен простор,...
Владата: Од денес училишниот прибор со нови намалени цени од 10 и 15 проценти
„Од денес почнува кампањата на Владата за намалување на цените на училишниот прибор за 10 и 15 проценти. Имајќи предвид...
Белата куќа го објави распоредот за средбата Трамп – Путин
Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин. Во 6.45 часот...
Ким Џонг-ун одговори на писмото од Путин: „Воспоставивме единство на бојното поле“
Претседателот на руската државна дума, Вјачеслав Володин, се сретна со севернокорејскиот лидер Ким Џонг-ун за време на официјалната посета на...
(Видео) Пратеник претепан во Белград: „Ме удираа со шипки по главата“
Протестите што се одржаа низ цела Србија вчера вечер, беа обележани со високи тензии и низа инциденти. Во Белград, во...
(Фото/видео) Просториите на СНС во Нови Сад целосно демолирани во вчерашните протести
Вчера вечер, нови големи протести се одржаа на улиците на Србија, во сите поголеми градови. 21.20h nema vise sns prostorija...
Алиу: Вработените во пералната на Клинички центар се вратија на работа, се бара решение преку преговори со приватната компанија
Во рамки на денешната посета на Клиничка болница Тетово, во одговор на новинарско прашање, министерот за здравство, Азир Алиу, информираше...
Демократската партија на Турците го напушти „Европскиот фронт“, на локалните избори ќе настапи сама
Демократска партија на Турците на Македонија, соопшти дека на локалните избори што ќе се одржат на 19 октомври, ќе настапи...
(Видео) Драматично кај Јасен: Спречена катастрофа кога огнот се проширил кон блиските објекти
Голем е пожарот кој со денови беснее во ловиштето Јасен, а надлежните во повеќе наврати успеваат да го стават под...
Ивановска се кандидира за градоначалничка на Центар: „Не барам моќ, туку сакам да им ја вратам на граѓаните“
Поранешната претседателка на Антикорупциска комисија, Билјана Ивановска, официјално најави кандидатура за градоначалничка на Општина Центар како кандидат на граѓанската политичка...
Путин: САД искрено се обидуваат да ја завршат војната во Украина
Рускиот претседател Владимир Путин изјави дека американската влада вложува искрени напори за прекин на конфликтот во Украина сугерирајќи дека Москва...
МНР чека потврда дали македонски државјанин е меѓу жртвите на тројното убиство во Боливија
Министерството за надворешни работи и надворешна трговија се огласи по објавите во српските медиуми за тројно убиство во Боливија, во...
Пуштена клучката Подмоље, власта уверува дека на автопатот Охрид – Кичево се работи забрзано
Денеска е пуштена во употреба клучката Подмоље, која го спојува Охрид со Струга, како и Македонија со Албанија, информира потпретседателот...
