Регион
Ердоган: Саудиска Арабија доби аудио-снимки за убиството на Кашoги, Ријад да го идентификува убиецот
Турскиот претседател Реџеп Тајип Ердоган изјави дека официјалните претставници од Саудиска Арабија, САД, Германија, Франција и Велика Британија ги слушаат аудио-снимките за убиството на новинарот Џамал Кашоги, кој Турција им ги испратила.
„Им ги предадовме снимките. Испратени се до Саудиска Арабија, САД, Германија, Франција и Британија, тие ги слушнаа сите разговори, знаат”, рече Ердоган.
Тој побара од Ријад да го идентификува убиецот во 15-члениот тим кој пристигна во Турција неколку дена пред убиството на Кашоги, објави Ројтерс.
„Саудиската влада може да го открие тоа со тоа што ќе ги натера петнаесете обвинети да зборуваат”, рече тој.
Турскиот дневен весник „Даили Сабах” претходно објави дека убијците на саудискиот новинар Џамал Кашоги неговото тело го растоплиле во киселина, а потоа го фрлиле во канализација.
Свршеницата на убиениот новинар, Хатиџе Ченгиз, по ваквите добиени информации реагираше со прашањето „дали се негови убијци воопшто се луѓе”.
„Не можам да ја изразам мојата тага поради уништуваањето на твоето тело, Џамал! Дали тие убијци и сите што стојат зад ова се воопшто човечки суштества”, праша Хатиџе Ченгиз на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.