Регион
Ескобар: На северот на Косово може да дојде до уште поголема криза

За да се излезе од кризата на северот на Косово, потребно е да се организираат нови избори со учество на Србите, да се исполнат обврските од дијалогот и да се формира заедница на српски општини, ова го изјави специјалниот пратеник на Соединетите Американски Држави за Западен Балкан, Габриел Ескобар.
Во интервју за ХРТ, Ескобар изјави дека високиот претставник на ЕУ, Жозеп Борел, и претставникот на дијалогот Белград – Приштина, Мирослав Лајчак, презентирале три едноставни чекори за деескалација на северот.
„Првиот чекор е да се отстранат луѓето од улиците. Исто така, не треба да се избираат градоначалници за да се привлече внимание. Ни требаат нови избори со безусловно учество на Србите. Потребен ни е и рок за српското спроведување на обврските, и за нацрт-статутот на ЗСО. Се работи за еднаквост, правичност и придобивки за двете страни“, нагласи Ескобар.
Тој посочи дека може да дојде до уште поголема криза доколку двете страни не го прифатат планот на ЕУ за смирување на конфликтот.
„Во Охрид беше постигнат договор за нормализација да се создадат мирни услови меѓу соседите според европските правила. Не само што ги нормализираа односите туку се усогласија и со ЕУ. Мора да се вратиме на тоа“, додаде Ескобар.
Тој нагласи дека договорот создава вистински услови за продлабочување на европските интеграции.
„Во меѓувреме, се случија низа дестабилизирачки дејства. Тоа нè оддалечи од спроведувањето на тој договор. Мора да се вратиме на него“, рече Ескобар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.