Регион
ЕУ ги повикува политичарите во БиХ да се однесуваат поодговорно
Босна и Херцеговина сè уште има можност да напредува на патот кон членство во Европската Унија, а дали ќе успее во тоа е исклучиво прашање на волјата на нејзините политичари за соработка, изјави генералниот директор на Генералниот директорат за соседство и проширување во Европската комисија, Герт-Јан Купман.
Тој беше во дводневна посета на Босна и Херцеговина во обид да ги убеди политичарите во таа земја дека мора да постигнат компромиси и да го продолжат европскиот пат, кој е блокиран од март.
Сепак, ниеден од бараните закони досега не е усвоен од парламентот на БиХ, а во таа земја не успеаја да се договорат и за програмата за реформи неопходни за пристап до фонд од шест милијарди евра обезбедени преку планот за раст на Западен Балкан.
За време на одвоените состаноци со политичарите во Сараево, Купман повика да не се пропушти оваа можност, потврди во вторникот делегацијата на ЕУ во Босна и Херцеговина.
„Тој ги повика носителите на одлуки да се договорат за нерешените прашања што ги спречија локалните власти да ја финализираат реформската агенда, што на крајот ќе ѝ овозможи на Босна и Херцеговина да добие средства од инструментот за реформи и раст од планот за раст“, се вели во соопштението.
Купман беше во Сараево на почетокот на неделата, во која се очекува политичарите од БиХ да докажат дали се подготвени да го спроведат минатонеделниот начелен договор постигнат на средбата во Бања Лука за деблокирање на спроведувањето на реформите. Тие најавија нова средба за среда во Сараево.
Актуелниот претседавач со Претседателството на БиХ, Жељка Цвијановиќ, која потоа се сретна и со Купман, изјави дека сега верува оти напредокот е сè уште можен.
„Мислам дека сме на добар пат да дојдеме до конечни решенија“, изјави Цвијановиќ.
Таа потсети дека и понатаму е спорно спроведувањето на две од 113-те реформски мерки на кои инсистира Европската комисија за да ѝ даде зелено светло на БиХ за пристап до фондот од планот за раст и смета дека има можности да се постигне договор истовремено почитувајќи ја уставната рамка каква што е во сила во Босна и Херцеговина.
Република Српска претходно го отфрли барањето на Брисел за што побрзо пополнување на Уставниот суд на БиХ со двајцата судии избрани од парламентот на тој ентитет, а нејзиниот лидер Милорад Додик исто така го отфрли предлогот за нов закон за судовите чие седиште на апелацискиот оддел на Судот на БиХ би било во источно Сараево. Тој побара седиштето да биде во Бања Лука.
Во Босна и Херцеговина се надеваа дека ќе ги отворат пристапните преговори до крајот на годината, но сè уште не го одредиле главниот преговарач, освен што се согласиле ставот да ја следи етничката рамнотежа во државните органи, па во оваа фаза би бил личност од српска националност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Еколошка катастрофа – нафта истече во Јадранското Море
Големи количини гориво истекоа во Јадранското Море на островот Хвар во Хрватска. Неофицијално, инцидентот се случил кога пукнал резервоар на танк на бензинската пумпа ИНА, објави „Далмација данас“.
Полицијата е на терен и се истражува како се случил инцидентот.
„Утрово, околу 9.30 часот, е примена информација дека во градот Хвар, заливот Крижна Лука, имало загадување со нафта во морето. Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај спроведувањето на постапката за санирање на штетите, ќе се спроведе и постапка за утврдување на сите факти и околности на настанот“, соопшти сплитската полиција.
Регион
Вучиќ оди во Русија на прославата на Денот на победата, ќе се сретне со Путин
Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.
Регион
Се запали градинка во Загреб – пожaрот избил од клима уредот
Пожар изби попладнево во градинка во Загреб.
Според информациите на хрватските медиуми, причина за избувнување на пожарот е палење на клима уредот.
Првата личност која се обидела да се справи со огнот била жена која го гаснела со ПП апарат. Во меѓувреме сите деца навреме го напуштиле објектот и биле испратени на безбедно.
Пожарот се проширил низ една од просториите, а неговото натамошно ширење го спречиле загрепските пожарникари, кои дојавата за пожарот ја добиле околу 16:55 часот.
Допрва ќе се утврдуваат околностите под кои избил пожарот во градинката.
Итно зголемување на платите, во спротивно ќе останеме без кадар, порача Пешевски
Според потпретседателот на Сојузот на синдикати на Македонија за приватен сектор, Иван Пешевски, приватниот сектор во Македонија е главен двигател...
Судот и’ го одзеде пасошот на претседателката на антикорупциската комисија која споделувала службени тајни на „Вибер“
На претседателката на антикорупциската комисија, Татјана Димитровска, одземен и’ e пасошот, откако Кривичниот суд го прифати предлогот за определување на...
Девет лица завршија во притвор поради злоупотреби со инвалидските пензии и туѓа нега
На деветмина осомничени од уапсените 23 во акцијата за туѓата нега, судот им одреди мерка притвор од 30 дена. Едно...
Судот го одобри обвинението за возачот што ја прегази Фросина
Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди....
ВМРО-ДПМНЕ: Тошковски не скри нешто, не рече дека законот не важи за татко му
Апасиев е фрустриран од работата на Тошковски бидејќи законот важи за сите. Левицата да одговори како, освен сутерен во строгиот...
ДУИ до Мицкоски: Ако целта е уривање на Охридскиот договор, која е алтернативата
Премиерот Мицкоски, со своето однесување, изјави и постапки, постапува на начин кој ги поткопува стандардите и одговорноста што се очекуваат...
Рубио: Ова не е наша војна, ние не ја почнавме
Американскиот државен секретар Марко Рубио изјави дека „сите треба да му се заблагодарат“ на американскиот претседател Доналд Трамп за мировните...
Левицата: И таткото на Тошковски бил дел од бизнисот со мито за инвалидски пензии
Додека се обидува да изгради слика дека го руши корумпираниот систем, фактите кои се обзнануваат во јавност укажуваат како и...
Лавров: Спремни сме да се договориме со САД за Украина
Рускиот министер за надворешни работи Сергеј Лавров изјави дека Кремљ е подготвен да постигне договор со САД за Украина, но...
Руте: Русија е долгорочна закана за алијансата
Генералниот секретар на НАТО, Марк Руте, вчера, по разговорите со американскиот претседател Доналд Трамп, изјави дека членовите се согласуваат дека...
(Видео) Ѓоковиќ ги загуби нервите: Да ти е..м тенисот
Новак Ѓоковиќ целосно ги загуби нервите на официјалниот тренинг во Мадрид. Додека во главниот град на Шпанија се одржуваа натпреварите...
Осомничени уште три лица во предметот „Адитив“: меѓу нив и претседателката на Антикорупциска
Во рамките на постапката што се води за предметот Адитив, како резултат на екстрахираните електронски докази обезбедени во досегашната постапка,...
Образ ѓон, се уште седат и земаат илјадници евра плата: Мицкоски за членовите на Судскиот совет
„Вие пратениците изгласавте недоверба на членовите на Судскиот совет. Но, и покрај тоа што тие ја добија недовербата од страна...
Измами во давањето туѓа нега и инвалидски пензии, под истрага 49 лица, вмешани и лекари
Сузбиени две криминални групи, кои вршеле злоупотреби на постапката за стекнување право за туѓа нега и право на инвалидски пензии,...
Битола, Струга, Чаир се меѓу општините кои не аплицирале за проекти, рокот истекува за помалку од една недела
Седумнаесет општини воопшто не аплицирале за инфраструктурни општински проекти, за што Владата доделува средства од унгарскиот кредит. Во оваа група...
(Видео) Трајчулески до Мицкоски: Дали се разводнува истрагата за Кочани за да се заштитат актуелни функционери?
Пратеникот на СДСМ, Митко Трајчулески, на денешната собраниска седница посветена на пратенички прашања, упати прашање до премиерот Христијан Мицкоски, кое...
Таравари го поддржа апсењето лекари: Директорот на Геријатрија првин го разрешив, а потоа го исклучив од партијата, сите што грешат нека одговараат
Сите што грешеле, вклучително и лекарите, треба да одговараат, смета министерот за здравство Арбен Таравари по вчерашната полициска акција, која...
Речиси третина од фирмите, чии лиценци ќе се одземаат, имаат блокирана сметка или се неактивни, според истражувањето на Центарот за граѓански комуникации
Центарот за граѓански комуникации го објави истражувањето за фирмите кои се на списокот што го објави Министерството за транспорт и...
Владата ја прави премиерот, ако тој смета дека Алијансата за Албанците не му треба, ние немаме никаков проблем, вели Таравари
Министерот за здравство и лидер на Алијансата за Албанците, Арбен Таравари, не сака да избрзува со носење какви било политички...
Еден загинат по удар на гром во Прилепско
Регионалниот центар за управување со кризи (РЦУК) Битола, информира, дека преку 112 во ЦУК во 17.39 часот, била добиена пријава...
