Регион
Жена од Грција си ја фрлила ќерката во река ден пред нејзиниот прв роденден
Полицијата ја уапсила 29-годишната мајка на бебето, која не сака да признае дека на новогодишната ноќ го фрлила детето во река.
Наводно, жената на 31 декември со такси од Ставрос Иматијас со бебето во раце се упатила кон местото каде што го фрлила во вода.
Потоа отишла во Александрија и престојувала во хотел, каде ја поминала новогодишната ноќ.
Утрото таа се вратила во куќата каде што живеела со бебето, бабата и дедото.
Кога се вратила дома без ќерката, семејството ја алармирало полицијата која веднаш покренала истрага за да утврди што точно се случило.
Полицијата ја испрашала мајката, која најпрвин и укажала на полицијата дека го оставила бебето во напуштена куќа во Верија. Сепак, властите таму не можеа да најдат никакви траги.
Полицијата изврши притисок врз мајката и таа на крајот ги отфрли своите тврдења, велејќи дека го фрлила бебето во браната Алијакмонас доцна на новогодишната ноќ.
Αυτή είναι η 29χρονη που έριξε το μωράκι της στο ποτάμι στη Βέροια – https://t.co/Bojp1lNf82 #news #ioannina #giannena #epirus #gianniotika #greece #grnews pic.twitter.com/yo4MCsRaxY
— gianniotika.gr (@gianniotika) January 2, 2023
По претресот на теренот, полицијата го лоцирала бебето и телото го извлекла од реката. Телото било пренесено во болницата во Верија, каде лекарите можеле само да ја констатираат смртта на детето.
Како што пренесува локалните медиуми, лекарите кои го прегледале телото констатирале дека има каснувања од животни.
Наредена е обдукција за да се утврдат точните причини за смртта.
Αυτή είναι η 29χρονη ανύπαντρη μητέρα που πέταξε το 11 μηνών παιδί της σε ποταμό – Σε αντίθεση με αυτά που είπε η αστυνομία, η ίδια αρνήθηκε στον Εισαγγελέα ότι ήταν αυτή που το σκότωσε – Κατηγορείται για ανθρωποκτονία από πρόθεση (ΦΩΤΟ-ΒΙΝΤΕΟ)https://t.co/ZK9EHvK3Nb #Αλιακμονα pic.twitter.com/T9ThsCx0f8
— eviazoom.gr (@eviazoom) January 3, 2023
Таткото на детето изјави за protothema.gr дека и покрај напорите што ги вложил да го признае детето по неговото раѓање, секогаш наидувал на ѕидот на нејзиното семејство, но се грижел за него и многу често го посетувал.
Тој рече дека е шокиран од убиството и не може да поверува како 29-годишната девојка ја донела оваа одлука.
– Од денот кога се роди, се борев за ова бебе и сакав да и признаам. Ја гледав често, секогаш беше во чиста облека и изгледаше добро, никогаш не можев да замислам дека тоа ќе се случи. Да имаше знак, ќе го направев поинаку – вели тој.
Неофицијалните резултати од обдукцијата наводно покажуваат дека бебето починало од задушување, а мајката и понатаму го негира делото, обидувајќи се да се оправда дека детето не го фрлила во река, туку и испаднало од раце.
– Не си го убив детето, не знам што се случи – рече таа на рочиштето и додаде дека нејзиното дете паднало во вода и не можела да скокне за да ја извлече.
Следниот ден би бил роденден на бебето и девојчето би наполнило една година,пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поље и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата Фена.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментов е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 03:43 часот евакуирани се 330 лица.
Регион
Зеленски и Вучиќ денеска пристигнуваат во Дубровник, огромни безбедносни мерки
Денеска попладне во Дубровник се одржува самитот Украина – Југоисточна Европа. По тој повод, украинскиот претседател Володимир Зеленски за прв пат доаѓа во Хрватска. Заедно со него и хрватскиот премиер беше најавено доаѓањето на претседателот на Црна Гора, претседателот на Косово и премиерите на Северна Македонија, Грција, Бугарија и Албанија.
Се очекува и доаѓањето на српскиот претседател Александар Вучиќ.
Учесниците на самитот треба да ја прифатат заедничката дубровничка декларација за чиј текст се уште се преговара, но таа да оди по патот на претходните декларации од самитите во Атина и Тирана.
Главните точки на декларацијата, јавува ХРТ, треба да вклучуваат осуда на руската агресија, поддршка за територијалниот интегритет на Украина, вклучително и полуостровот Крим, поддршка за мировниот план на претседателот Зеленски, барање за процесуирање на воените злосторства во Украина, поддршка за европската интеграција на Киев и членството во НАТО кога ќе се стекнат услови за тоа и поддршка за енергетска безбедност и обнова на Украина по завршувањето на војната.
Регион
(Видео) По поплавите, Неретва ја смени бојата
Неретва ја промени бојата во Мостар. Поради обилните дождови и поплави, под Стариот мост повеќе не тече зелената река, туку кафена и матна.
Во Грабовице, пред хидроелектричната брана, се насобрало куп ѓубре.
Само во хидроакумулацијата Грабовице, според проценката, депонираниот отпад е близу 50.000 м3, со континуиран прилив на нови количини.