Регион
„Жолто го*но“ – приведена жена од Сплит која нападнала кинеска туристка во продавница поради расистички мотиви

Сплитската полиција соопшти дека 43-годишна жена е уапсена по истрагата за инцидентот што се случи во јуни. Станува збор за расистички испад пред продавница во Сплит кон кинеска туристка и нејзиното момче.
Како што изјавија за „Индекс“ вчера од ПУ на Сплит-Далмација, за настанот дознале преку видео објавено на „Ток-ток“ од жената која во јуни била на одмор во Сплит.
„По медиумското објавување видео од социјална мрежа, на кое се гледа нарушување на јавниот ред и мир на особено дрзок начин со јасно изразена дискриминација врз основа на раса, спроведовме кривична истрага која резултираше со утврдување на идентитетот и потоа приведување на сторителот“, соопшти полицијата.
@empathicweeb Replying to @luka brasi THERE IS NO FULL VIDEO BECAUSE I DID NOT EXPECT TO GET SPIT ON WHILE BEING IN A SUPERMARKET. AND MY BRAIN DID NOT REACT FAST ENOUGH TO PULL MY PHONE OUT ABD START FILMING WHILE SHE WAS INSULTING US. #splitcroatia #storytime ♬ original sound – EmpathicWeeb
Како што се додава, констатирано е дека се работи за 43-годишна жена која денеска со обвинителен акт ќе биде изведена пред општинскиот суд.
„И покрај напорите што ги вложивме, до овој момент не успеавме да стапиме во контакт со оштетените“, соопштија од полицијата.
Туристка од Азија на „Тик Ток“ објави видео снимки од расистички напад што го доживеала во супермаркет, кога непозната жена ја плукнала и рекла дека е „жолто го*но“. Имено, како што сподели туристката во своето видео „Тик Ток“, непозната жена и пришла додека купувала вода во продавница и во таа прилика ја нарекла со погрдно име, додала дека „нема права во Европа“, а потоа ја плукнала.
@empathicweeb The police did nothing. The employees at the supermarket did nothing. So I hope the power of the internet can do something. #notoracism #splitcroatia ♬ original sound – EmpathicWeeb
Жената потоа излегла од продавницата, по туристката и нејзиното момче. Азијката тврди дека жената надвор од продавницата го плукнала и момчето и почнала дополнително да ги навредува.
„Е*ена кукавица. На кого ќе пријавите? Шенген? Европол, Интерпол? – рекла жената покажувајќи го средниот прст.
Вчера од полицијата за „Индекс“ изјавија дека во тек е кривична истрага и дека полицијата има нулта толеранција за ваквото однесување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Грозоморната сцена покажува колку била ужасна несреќата: автобус излета од патот во близина на Чачак, има загинати

Рано утрово, околу 6:40 часот, на државниот пат I Б, на делницата помеѓу Чачак и Краљево, во близина на местото Бресница, се случила тешка сообраќајна несреќа во која загинал еден маж, додека две лица се тешко повредени, известуваат српските медиуми.
Според првичните информации, во несреќата учествувале автобус и патничко возило. Според неофицијални информации, несреќата се случила кога автобусот, откако се судрил со автомобил, излетал од патот и удрил во столб од далновод.
Едно лице почина на местото на настанот, додека две лица беа тешко повредени и префрлени во Општата болница во Чачак. Лекарите моментално вршат дијагностика, а еден од повредените е на скенер, објави српски Телеграф.
Снимките од местото на настанот покажуваат дека несреќата била ужасна.
фото: принтскрин
Регион
Тројца загинати и седум лица во тешка состојба по превртување на автобус кај Сремска Митровица

Состојбата на повредените во тешката сообраќајна несреќа што се случи кај Сремска Митровица, во која животот го загубија три лица, и понатаму е сериозна, изјави денеска директорот на Општата болница во Сремска Митровица, д-р Војислав Мирниќ.
„Хоспитализирани се 39 пациенти. Од нив, седум се со потешки повреди и се наоѓаат на одделенијата за интензивна нега, додека 15 пациенти се подготвени за отпуст,“ рече Мирниќ.
Тој прецизираше дека 13 пациенти од Одделението за општа хирургија и двајца од Одделението за ортопедија се во стабилна состојба и наскоро ќе бидат пуштени дома.
„Се врши дополнителна дијагностика за сите пациенти, а во наредните 48 часа очекуваме уште дел од нив да бидат подготвени за отпуст. Посетите во болницата се дозволени од 14 до 16 часот,“ додаде Мирниќ.
Во несреќата, која се случила на патот меѓу Сремска Митровица и селото Јарак, загинале три лица – две на самото место и едно во болница, од последици на тешките повреди.
Вкупно 61 патник бил прегледан во митровачката болница, а 39 лица биле задржани на лекување. Осуммина се на интензивна нега, дваесетмина на општа хирургија, а единаесетмина на ортопедија.
Еден пациент е префрлен во Ургентниот центар во Нови Сад, а друг во Белград на понатамошно лекување.
Автобусот на превозникот „Сирмиум бус“, кој превезувал работници, под засега непознати околности излетал од патот и се превртел. Возачот на автобусот, Д. К. (1955), е уапсен поради сомнение дека ја предизвикал несреќата во која загинаа три лица. Нему му е одредено задржување до 48 часа, по што ќе биде изведен пред надлежното обвинителство со кривична пријава.
Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.