Регион
Заев, Вучиќ и Рама ја повикаа Европската Унија да ја поддржи иницијативата „Отворен Балкан“
Македонскиот премиер Зоран Заев, претседателот на Србија Александар Вучиќ и премиерот на Албанија Еди Рама ја повикаа Европската Унија да ја поддржи иницијативата „Отворен Балкан“ и изразија надеж дека новата германска влада ќе ја поддржи истата како придонес за Берлинскиот процес.
„Нашата иницијатива ‘Отворен Балкан’ е голем чекор кон членството во ЕУ. ЕУ треба да ја поддржи“, напишаа Заев, Вучиќ и Рама во заедничката статија за „Франкфуртер алгемајне цајтунг“.
Во написот се оценува дека Европа е континент, но и визија и дека граѓаните на Западен Балкан, како важен дел од тој континент и таа визија, предолго се оставени да стојат пред вратата на ЕУ.
„Желбата на нашиот народ да биде примен постојано се поништува поради внатрешните политики на земјите членки, неисполнувањето на ветувањата и стравот од иднината, што доведе до разочарување, нестабилност, иселување. Ние како политички одговорни, можеме да се жалиме или да направиме нешто против тоа. Се одлучивме за второто“, изјавија Вучиќ, Рама и Заев.
Тие напишаа дека нивната визија е да ги надминат социјалните, економските и трговските бариери кои го попречуваат економскиот раст на регионот, преку имплементација на четири европски слободи во нивните земји.
Тоа се, како што се објаснува, слободното движење на луѓе, стоки, капитал и услуги, што може да ја поттикне соработката, трговијата и растот и да му го олесни животот на секој поединец во нашето соседство.
„Иако иницијативата ‘Отворен Балкан’ моментално ги вклучува само Србија, Албанија и Северна Македонија, таа е отворена за сите земји од Западен Балкан. Ја користиме оваа пригода уште еднаш да ги поканиме сите наши соседи да се придружат и да им ги понудат на своите жители поволностите што ги нудиме на нашите луѓе“, напишаа Заев, Вучиќ и Рама.
Авторите на написот изјавија дека како одговорни политичари не можат да дозволат регионот, кој многумина го критикуваат дека е како буре барут на Европа, да се врати во кошмарите од минатото, во време кога ЕУ не може да направи повеќе за своето проширување.
„Има разлики меѓу нас, не се согласуваме за некои политички прашања, но се согласуваме дека економијата и четирите европски слободи се патот кој носи надеж и траен мир во регионот“, напишаа Вучиќ, Рама и Заев.
Тие изразија надеж дека новата германска влада ќе ја прифати и поддржи иницијативата „Отворен Балкан“ како придонес за целосно спроведување на Берлинскиот процес и заклучија дека сега целата ЕУ треба да се приклучи на целосната поддршка за таа иницијатива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силни врнежи од дожд и град во Белград, поплавени улици и дел од автопатот
Ветер, град и пороен дожд го погодија Белград. Улици и автопат беа поплавени откако невреме го погоди српскиот главен град.
Според снимките објавени на социјалните мрежи, дел од автопатот бил под вода.
Бројни улици во Белград беа исто така поплавени. Подводниот премин во близина на железничката станица во Раковица е под вода.
Според извештајот на репортерот на Н1, во Авала паѓало град со големина на лешници.
Регион
(Видео) Вучиќ го пречека Орбан во Белград: „Не разбирам што зборува, но му верувам сто проценти“
Српскиот претседател Александар Вучиќ и унгарскиот премиер Виктор Орбан се сретнаа во Белград каде што разговараа за зајакнување на односите меѓу Србија и Унгарија, кои двајцата лидери денес ги нарекуваат најдобри во историјата.
Вучиќ по средбата се огласи на Инстаграм, велејќи: „Горд сум на нашето пријателство и најдобрите односи во српско-унгарската историја“. Заедно со објавата, тој сподели заедничко видео со Орбан, на кое му се заблагодари со зборовите: „Виктор е многу повеќе од пријател. Ти благодарам за сè“.
Во видеото, Вучиќ го нарекува Орбан „искрен и вистински пријател на Србија“ и ја нагласува неговата улога во градењето блиски односи меѓу двете земји. Тој додаде дека е особено задоволен што може да го угости во Белград.
По говорот, Вучиќ се пошегува дека Орбан веројатно не знаел што рекол бидејќи не разбирал српски.
Потоа Орбан се осврна на прашањето на англиски:
„Не разбирам српски, па не знам што рече мојот пријател Вучиќ, но верувам дека сè што кажа е точно. Му верувам сто проценти, иако не знам ниту еден збор на неговиот јазик“.
Потоа двајцата лидери срдечно се ракуваа.
Регион
Хрват загина во Украина: „Тој го користеше сопственото тело за да ги заштити своите другари во последните моменти“
Тони Херцег, Хрват од Босна и Херцеговина и офицер на француската армија, загина на 6 мај во Луганск, Украина. Дипломатски извори за РТЛ неофицијално потврдија дека Тони имал и хрватско државјанство, пишува „Индекс.хр“.
Се наведува дека Херцег се истакнал како офицер во мировните мисии ширум светот, а неговите соборци сведочат дека во последните моменти со своето тело ги заштитил припадниците на единицата со која командувал и ги спасил ранетите од непосредна смрт.
Херцег е внук на поранешниот премиер на Херцеговско-неретванската жупанија, Невенко Херцег, пишува „Херцеговина.инфо“. Потекнувал од херцеговско семејство кое било населено во Лион, Франција од воените години во Босна и Херцеговина, а бил професионален војник во француската армија. Не е прецизирано дали станува збор за Легијата на странците, но се знае дека после тоа се приклучил на 3-та ударна бригада на украинската армија, пишува тој портал.
Ќе биде погребан во Загреб.
Третата посебна јуришна бригада на вооружените сили на Украина беше формирана во 2022 година како дел од пошироката реорганизација на волонтерски единици во редовната армија. Бригадата стана позната по својата улога во најинтензивните битки – од Бахмут и Авдијивка до регионот Луганск. Нејзините членови се обучени за урбана борба, чистење ровови и брзо маневрирање на линијата на фронтот.
Иако формално е под команда на украинската армија, бригадата наследи дел од структурата и персоналот на баталјонот Азов, кој стана дел од Националната гарда. На чело на бригадата е Андриј Билецки, поранешен командант на Азов.
Во Кочани се одржа седмиот марш на ангелите, родителите со порака: „Нашиот молк нема да трае долго“
„Моќта на луѓето е посилна од луѓето што се на моќ“, „Не чекајте катастрофа, дејствувајте сега“, „Ефективен притвор”, „Секој може...
Да не се делиме пред надворешните фактори – Мицкоски повика на единство
Денес, кога нашиот народ стои пред нови предизвици, кога светот се обидува да нè дефинира и објаснува, мисијата на Свети...
Возач загина на експресниот пат Прилеп-Градско – удрил во ограда, па уште еден камион излетал од патот
Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат...
Познат идентитетот на загинатите кај Момин Поток: 47-годишен маж и 32-годишна скојанка го загубија животот во несреќата
Четирисет и седумгодишниот С.И. и неговата 32-годишна сопатничка А.Н. се загинатите во тешката сообраќајна несреќа што се случи вчера помеѓу...
Обвинителството незадоволно од одлуката за куќен притвор за Нино Васев и Нехат Нухи за Онкологија, поднесе жалба
Скопското обвинителство вложи жалба на решението со кое Основниот кривичен суд Скопје определи мерка куќен притвор на поранешниот директор на Клиниката...
Сослушување на семејствата на загинатите во Кочани, ќе бидат повикани и да се приклучат кон кривичниот прогон
Јавните обвинители кои постапуваат во истрагата во врска со пожарот во кочанската дискотека „Пулс” почнуваат да сослушуваат претставници на семејствата...
Зошто Филипче е изземен од случајот Онкологија, прашува ВМРО-ДПМНЕ
Судиите и обвинителите се клиентелисти на СДСМ кои ги штитат политичките криминалци, велат од ВМРО-ДПМНЕ утрово преку соопштение, прашувајќи зошто...
Мицкоски: На достоинствен начин продолжуваме да го негуваме животот и делото на светите браќа Кирил и Методиј
На достоинствен начин продолжуваме да го негуваме животот и делото на светите браќа Кирил и Методиј, нивната благородна мисија обединува...
(Видео) Жена избоде седумнаесет луѓе на железничка станица во Хамбург
Напад со нож се случил вечерва на главната железничка станица во Хамбург, објави „Билд“. Најмалку седумнаесет лица беа повредени, а...
(Видео) Силни врнежи од дожд и град во Белград, поплавени улици и дел од автопатот
Ветер, град и пороен дожд го погодија Белград. Улици и автопат беа поплавени откако невреме го погоди српскиот главен град....
Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб
Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две...
(Фото) Република Македонија во Рим го одбележува денот на Свети Кирил и Методиј
Министерот за култура и туризам, Зоран Љутков, денеска и утре престојува во Рим, Италија, како член на државно-црковната делегација предводена...
Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите
Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за...
Временска прогноза за викендов: дожд, грмежи, засилен ветер и пониски температури
Времето утре ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни...
Силно одбранбено партнерство и целосна усогласеност со заедничката надворешна и безбедносна политика, Мисајловски и Калас ги посетија Балканските медицински наменски сили
Министерот Владо Мисајловски и високата претставничка на Европската Унија за надворешни работи и безбедносна политика, Каја Калас денеска (23 мај)...
Прв Дијалог за безбедност и одбрана меѓу Европската Унија и Северна Македонија
Денеска, во рамки на официјалната посета на високата претставничка на ЕУ за надворешни работи и безбедносна политика, Каја Калас, во...
Собрани околу 2,5 милиони евра за настраданите во Кочани, од Црвениот крст велат во неколку наврати вршеле исплата
Во рамките на апелот на Црвениот крст за поддршка на настраданите од катастрофалниот пожар во Кочани од 16 март, досега...
Мицкоски: Прифативме билатерална средба со Бугарија на маргините на НАТО, со присуство на претставници од ЕУ и САД
Премиерот Христијан Мицкоски откри дека прифатиле да седнат на маса со Бугарија на маргините на НАТО самитот со присуство на...
Мицкоски повика на фер третман: Уморни сме од постојаните блокади поради билатерални прашања
Премиерот Христијан Мицкоски и високата претставничка на ЕУ за надворешна политика и безбедност, Каја Калас имале отворен разговор за македонските...
Сè уште се надеваме дека планот А ќе функционира, рече Калас прашана зошто за Украина има, а за Македонија нема план Б
Високата претставничка на ЕУ за надворешни работи и безбедносна политика, Каја Калас, вели дека во случајот со Северна Македонија сè...
