Во 2025 година во Грција се очекуваат голем број промени кога станува збор за туризмот.

Со цел да го намали масовниот туризам и да ги зголеми приходите во 2025 година, Грција одлучи да воведе нови, повисоки туристички такси за претстојната летна сезона.

Покрај тоа, ќе се промени и самата рута до Грција доколку се воведат нови системи за влез во Европската Унија – ЕТИАС и ЕЕС.

Новите такси ќе се применуваат во разни сектори – дневни такси за сместување, градски такси и такси за крстарење, пишува „Б 92“.

Најголем проблем кога станува збор за масовниот туризам се бродовите за крстарење, кои носат голем број посетители на островите како Миконос и Санторини.

Затоа тие отсега ќе плаќаат туристичка такса од 20 евра за лице. За други дестинации, вклучувајќи ги Родос, Крф и Крит, ќе се применува пониска такса од 5 евра за патник.

Туристите на копното ќе плаќаат и дневна такса од 2 евра, што е зголемување од сегашните 0,5 евра.

Оваа такса ќе биде уште поскапа во шпицот на сезоната, од април до октомври, кога ќе изнесува 8 евра. Дневната такса досега беше 1,5 евро.

Данокот за престој во високо оценети хотели ќе биде 15 евра, а другите сместувања ќе имаат помали даноци.

ЕТИАС и ЕЕС носат промени на граничните премини

Новите системи за влез во Европската Унија треба да почнат да се применуваат во 2025 година, а со оглед на тоа што Грција е членка на ЕУ, патниците од земјите од Западен Балкан, кои ќе одлучат да летуваат во Грција, ќе мора да прифатат низа промени на граничните премини.

ЕТИАС е најавен за мај, а ќе вклучува издавање патна дозвола, која ќе чини 7 евра.

Системот ќе важи за сите патници од земји ослободени од виза за влез во Европската Унија и ќе биде поврзан со пасошот.

Дозволата ќе важи до три години или до истекот на пасошот, кое и да е прво.

Европската Унија советува да добиете дозвола пред да резервирате и да платите за вашите аранжмани за да се осигурите дека ќе ја имате пред вашето патување.

Кога станува збор за системот за влез/излез (ЕЕС), тој требаше да се имплементира во ноември 2024 година, но беше одложен поради неколку причини. Европската комисија сега им даде рок од шест месеци на земјите членки да го спроведат, а според сегашните пресметки, тоа ќе биде само по системот ЕТИАС, кој се очекува во мај 2025 година.

Системот за влез/излез е автоматизиран ИТ-систем за регистрирање државјани на трети земји што патуваат на краток престој секојпат кога ќе ги преминат надворешните граници на која било од европските земји што го користат системот.

Тоа ќе вклучува обезбедување биометриски податоци на граничните премини, што би можело значително да влијае на граничниот метеж.

Промени на патот кон Грција

Уште една новина која нѐ очекува ова лето се однесува на оние што планираат патување во Грција преку Бугарија.

Земјите членки на Европската Унија одлучија да ги укинат контролите на луѓето на внатрешните копнени граници со и меѓу Бугарија и Романија од 1 јануари 2025 година, така што оваа одлука ќе влијае и на патувањето во Грција.

Доколку доаѓате од земја што не е членка на ЕУ, на границите важат истите правила како и досега. Но, Бугарија од 1 јануари стана членка на шенген-зоната на која и припаѓа Грција, што значи дека се укинуваат граничните контроли меѓу двете земји.

Затоа ова лето секој што ќе реши да патува во Грција преку Бугарија треба да има полесен пат.

Мерки на плажите

На почетокот на минатата летна сезона на грчките плажи беа воведени нови мерки, кои се однесуваат на лежалките, односно слободниот простор на плажите.

Според новите правила, најмалку 50 проценти од површината на плажата мораше да остане достапна за јавноста, што значи без изнајмување лежалки и чадори за сонце.

Локалните жители беа особено незадоволни од зголемената окупација на плажите од баровите, што ги натера да преземат акција како дел од таканареченото движење „Пешкири за плажа“ за да се спротивстават на плаќањето чадори во нивната земја.

Властите користеа сателити, вештачка интелигенција и апликации за проверка и искоренување на нелегалната окупација на плажите.

Загрижувачки временски услови

Минатото лето Грција се соочи со една од најголемите кризи досега, а таа беше поврзана со временските услови.

Неколку туристи загинаа од ефектите на високите температури поради што грчките власти предупредија да не престојуваат на отворено во најтоплиот дел од денот.

Во поголемиот дел од земјата со месеци има малку или денови без дожд, што предизвика пресушување на многу резервоари за вода за пиење, особено на островите и околу Атина, каде што резервите вода беа речиси 50 отсто помали во текот на летото.

Поради ова, на некои острови беше прогласена вонредна состојба.

Имаше и недостиг на вода на некои острови, што ги натера властите да обезбедат преносни единици за отсолување, кои ја третираат морската вода за да ја направат безбедна за пиење.

Министерството за надворешни работи упати сочувство по масакрот во Цетиње, Црна Гора.

„Длабоко сме шокирани и тажни од трагичните настани во Цетиње, Црна Гора. Солидарни сме со семејствата на жртвите и со народот на Црна Гора во ова тешко време. Нашите мисли се со вас“, велат од МНР.

💔🙏 Deeply shocked and saddened by the tragic events in Cetinje, Montenegro. We stand in solidarity with the families of the victims and the people of Montenegro during this difficult time. Our thoughts are with you.

— MFAFT North Macedonia 🇲🇰 (@MFA_MKD) January 2, 2025

Во масакрот убиени беа 12 лица, а меѓу жртвите има и две деца на возраст од 10 и 13 години. Четири лица се во болница, од кои едно е во многу критична состојба.

Во Црна Гора е прогласена тридневна жалост, а откажани се голем број настани.

Напладне на државен празник улиците на Цетиње се сѐ уште речиси целосно празни, знамињата се спуштени на половина копје по убиството на 12 лица, а четворица тешко ранети се хоспитализирани во Клиничкиот центар на Црна Гора во Подгорица.

Тројца од четворицата ранети се стабилни, но нивните животи сѐ уште се загрозени и не се исклучува можноста за компликации. Четвртиот ранет е во многу тешка состојба по хируршката интервенција, која траеше до утринава, изјави претходно денеска Александар Радовиќ, директор на хрватскиот клинички ценатр.

Како што соопштија од полицијата за „Подгорица вјести“, имињата на убиените, меѓу кои и две деца, нема да бидат соопштени бидејќи, како што наведоа, тоа не е вообичаено.