Регион
Избегнат инцидент пред албанското МВР, министерот бил во зградата за време на протестот

Припадници на албанската опозиција на денешниот протест од пред владата во Тирана се упатија пред албанското МВР каде што побараа оставка на министерот за внатрешни работи Фатмир Џафај .
Демонстрантите на моменти фрлаа предмети кон големиот кордон на полицијата, по што дојде и до туркање . Кога можеше да се случи инцидент, пристигна лидерот на опозицијата Лулзим Баша и побара од демонстрантите нивно повлекување од пред зградата на МВР. Албанските медиуми јавија дека министерот Џафај бил во објектот на министерствтото и од таму го следел протестот на опозицијата .
Протестите завршија со говор на Баша пред седиштето на Демократската партија, каде ги повтори барањата на опозицијата за оставка на премиерот Еди Рама и оставка на министерот за внатрешни работи Фатмир Џафај. Тој уште еднаш рече дека главен виновник за стопирање на патот на Албанија кон ЕУ е владата на Рама за која истакна дека е корумпирана и спроведува криминални активности за лични цели. Баша истакна дека денеска протестирале „Албанците кои се за Европа“.
Опозицијата ги обвини органите на редот дека во одредени моменти вршеле насилство врз демонстрантите и соопшти дека бил претепан и му се нанесени тешки повреди на главниот утредник на весникот на опозицијата „Рилиндја Демократике“, Бледи Касми.
Албанскиот премиер Еди Рама, кој инаку денеска има средби во градови на јужна Албанија, на својот профил на социјалните мрежи оценува дека протесот на опозицијата потфрлил бидејки многу припадници на Демократската партија не учествувале на протесотот. Рама синоќа рече дека протестот на опозицијата е во насока на попречување на патот на Владата за да ги започне преговорите за членство во ЕУ.
Во престрет на демонстрациите, министерот Фатмир Џафај изјави дека тој би дал оставка ако се докаже автентичноста на аудио снимките кои ги објави опозицијата, а во кои наводно разговараат за шверц со дрога две лица од кои еден се претпоставува дека е неговиот брат Агрон Џафај. Во спротивно, тој рече, дека ќе бара остававка од функцијата претседател на ДПА на Лулзим Баша.
Албанските аналитичари оценуваат дека денешниот протест на опозицијата ги зголемил политилчките тензии во земјата, што секако не оди во прилог на започнување на преговорите на Тирана за членство во ЕУ.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.
Регион
Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација во Албанија, Бугарија, Македонија по неколкудневните интензивни горештини.
Чад се издигаше над планинската црноморска покраина Карабук, околу 200 километри северно од главниот град Анкара, а пожарот, кој беснее веќе шести ден, принуди евакуација на повеќе од десетина села и опустоши делови од шумата. Тројца пожарникари загинаа вчера во северозападната покраина Бурса, објави денес турското Министерство за шумарство.
Пожарникарите денес се борат со два одделни пожари, по евакуацијата на повеќе од 3.600 луѓе од населбите во јужните покраини Мерсин и Анталија. Турција беше место на десетици шумски пожари поради екстремна топлина во последните недели, а минатата недела 10 пожарникари загинаа борејќи се со пожар во централната покраина Ескишехир.
Топлите и суви лета се вообичаени во медитеранскиот регион, но сè поинтензивните топлотни бранови придонесоа за разорни шумски пожари во последните години. Во Грција, десетици пожарникари се борат со пожар што избувна во подножјето на планината Химет во Атина, во близина на универзитетски кампус во густо населено предградие. Најмалку 18 хеликоптери и авиони дејствуваат во областа.
Во Албанија, пожарникарите, со помош на армијата, се обидоа да го стават шумскиот пожар под контрола пред да стигне до крајбрежниот град Саранда и други туристички места на југот од земјата на јонскиот брег. Локалната полиција објави дека во последните три дена уапсила 13 лица за намерно палење.
Бугарија распореди противпожарни авиони за да им помогне на копнените сили во борбата против голем шумски пожар во пошумен југозападен регион, додека во Грција неколку села беа евакуирани, а пет лица беа повредени во одделни пожари за време на викендот, кои беа поттикнати од висока топлина и силни ветрови.
Додека Грција денес се соочува со својот трет топлотен бран, дождот во Србија им помогна на пожарникарите да стават под контрола повеќе од 100 шумски пожари.
Во моментов низ Македонија беснеат 15 пожари на отворено, од кои девет сè уште се активни, а шест се ставени под контрола. Најсериозни се огнените линии кај Прилеп, Василево, Кавадарци, Македонски Брод и Берово, каде гори шума, грмушки и ниска вегетација. На некои места ситуацијата е дополнително отежната поради детонации и непристапен терен. Од друга страна, пожарите кај Штип, Карбинци, Кичево и околината на Куманово се стабилизирани и под надзор. Властите повикуваат на внимателност и воздржување од активности што можат да предизвикаат нови пожари.