Регион
“Известија”: Србите нема да дозволат новиот претседател да ја дистанцира земјата од Русија

Во Србија на 2 април ќе се одржат претседателски избори, на кои според прогнозите, победата може да ја задржи сегашниот премиер Александар Вучиќ, пишува во петокот рускиот весник “Известија”.
Охрабрувајќи ја политиката на интеграција со Европската унија и истовремено тесна соработка со Руската Федерација, тој ја има поддршката како на прозападниот, така и на прорускиот електорат.
Во случај на победа од Вучиќ неизбежно ќе се бара да се движи меѓу двете страни односно да води политика на рамнотежа помеѓу двата надворешно-политички фактори.
На овој начин потенцијалниот претседател на Србија ќе ја зајакне соработката со ЕУ, но со тоа сериозно ќе се спротивстави со спротивната страна на општеството, која иднината на земјата ја гледа во соработка со Москва.
Високите шанси за победа на Вучиќ се условени од два фактори. Тој ја поддржува идејата за влез на Србија во ЕУ, а тоа исто така го чувствуваат 47 отсто од граѓаните на земјата.
Покрај тоа, таквиот пристап на актуелниот премиер му гарантира поддршка и од Брисел. Во исто време сите негови изјави и дејствија зборуваат за желба за градење на блиски контакти со Русија.
На пример, во српските медиуми се дистрибуирани информации дека Александар Вучиќ пред изборите ќе се сретне со рускиот претседател Владимир Путин – потег кој може да му гарантира широка поддршка и од страна на српските гласачи.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин