Регион
Иранскиот генерал Сулејмани војувал во Босна
Бошњачкиот член на Претседателството на Босна и Херцеговина, Шефик Џаферовиќ, за време на граѓанската војна во БиХ, како началник на Центарот за безбедност на Зеница, се сретнал со неодамна убиениот ирански генерал Касем Сулејмани.
Сулејмани војувал против Србите во БиХ, а неговите припадници на Иранската револуционарна гарда (ИРГЦ) ги извршиле најмонструозните злосторства во текот на војната, пишува „Вечерње новости“.
„Џаферовиќ, кој е познат по тоа што за време на војната им издавал и босански документи на припадниците на озлогласениот одред ’Ел муџахедин‘, се сретнал и бил во координација со иранскиот генерал Сулејмани секаде каде што требало да учествуваат припадниците на ИРГЦ во нападите на српските позиции и во злосторствата над Србите“, тврдат за весникот дипломатски извори во Сараево.
Според наводите на изворите, Сулејмани, лидер на елитниот одред Кудс на ИРГЦ и еден од најмоќните луѓе на Блискиот Исток, и лично усчествувал во граѓанската војна во БиХ во 1993-1994 година, кога и се среќавал со Џаферовиќ, а во мај 1992 година во т.н. Армија на БиХ имал 20 специјалци на иранската војска кои ги напаѓале српските позиции.
Престојот во БиХ Сулејмани го образлагал со својата позната изрека: „Секаде каде на муслиманите им треба помош, јас ќе бидам таму.“
Така ИРГЦ, благодарение на генерал Сулејмани, била првата странска паравоена формација која на почетокот на 1992 година дошла во БиХ и во воените години извршувала злосторства над Србите.
Во текот на војната Сулејмани дошол во БиХ, како што тврдат дипломатски извори, како и останатите припадници на ИРГЦ: преку пристаништето Плоче, а биле стационирани во Какањ, Високо, Травник, Зеница, Фојница и на Игман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.