Регион
Истражување: 20,7 проценти од населението во Србија развило имунитет на коронавирусот

Пред сегашниот и досега најсилен бран на епидемијата, 20,7 проценти од населението во Србија добило имунитет на коронавирусот, а најмногу отпорни се младите под 19 години, покажуваат резултатите од втората национална студија за серопреваленција за САРС-КоВ-2.
Според таа студија, секоја трет или 31,8 процент во оваа возрасна група има IgG-антитела, односно природно стекнат имунитет по заразата, пренесува „Танјуг“.
Од вкупното население во Србија, најзаштитени се жителите на Крагуевац, Ужице, Чачак, Валево и на Шабац.
Резултатите од студијата покажуваат дека во овие области секој петти, односно 23,1 проценти од популацијата имаат антитела.
Студијата е спроведена на репрезентативен примерок од 1.200 домаќинства или вкупно 2.500 испитаници.
Наодите од студијата спроведена од Институтот за епидемиологија при Медицинскиот факултет во Белград во соработка со Институтот за примена на нуклеарната енергија допрва треба да бидат објавени, а директорот на Институтот, проф. Татјана Пекмезовиќм за „Новости“ потврди дека е завршена и дека ќе биде објавена набргу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.