Регион
„Како мајка не можам ниту да изговорам што мислам дека ѝ имаат направено“: Отовиќ-Пјановиќ за потрагата по телото на Данка
Поминаа неколку дена откако Србија ја погоди веста дека во Бањско Поле кај Бор е убиена малата Данка Илиќ (2).
Нејзиното тело сè уште не е пронајдено. Еден настан што се случи во меѓувреме ја комплицира ситуацијата – тоа е ненадејната смрт на братот на осомничениот за убиството на девојчето, кој призна дека му помогнал на својот брат да се ослободи од телото, пишуваат српските медиуми.
Овој факт може да влијае на истрагата бидејќи тој беше еден од клучните луѓе што може да помогнат во потрагата по телото на Данка, анализира „Блиц“.
Медиумот пишува дека иако осомничените целосно го признале делото што го направиле, една работа останува мистерија – каде и како е скриено телото на Данка.
Полицијата денеска продолжува да ги пребарува сите локации на јкои би можело да биде телото на убиеното девојче, а полициската мајорка Бојана Отовиќ-Пјановиќ истакнува дека постојат повеќе верзии поради што осомничените не сакаат да откријат каде е телото.
„Може да направиле нешто помонструозно со телото на детето. Како мајка и човек, тешко ми е да кажам што мислам дека направиле. Не можам ни да кажам што мислам дека направиле“, изјави Бојана Отовиќ-Пјановиќ.
Полициската службеничка посочува дека сака телото на убиената Данка Илиќ да биде пронајдено што побргу за родителите да го погребаат своето дете.
„Никому не му е во прилог што поминува ден за ден, но мојата најголема желба е родителите да го најдат својот мир“, вели таа.
Посочи и дека осомничените може да одговараат за тешко убиство иако нема тело и дека се собрани доволно материјални докази.
Таа откри и во кој момент може да се запре потрагата.
„Сакам да верувам дека ќе го најдеме телото“, рече Отовиќ-Пјановиќ.
„Ова навистина не е нормално, не е природно. Немам зборови за нивните постапки, сурово е благ збор“, рече таа.
С. Ј и Д. Д, кои беа уапсени под сомнение за убиство на Данка Илиќ, беа сослушани и приведени. Д. Д. пред обвинителот го признал делото, а С. Ј. се бранел со молчење. На двајцата им е одреден притвор до 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.