Македонија
Ковачев: Чудно е што Северна Македонија бара од друга држава да признае дека постојат македонски јазик, култура и идентитет

Германскиот Бундестаг доцна синоќа гласаше за декларација со која се повикува Бугарија да се воздржи од наметнување дополнителни услови за Северна Македонија, освен веќе постигнатиот компромис за уставни промени.
Во документот се наведува и дека германскиот Бундестаг ја признава македонската култура, идентитет и јазик, пренесува бугарското “БНТ“
Медиумот пишува дека според германските пратеници од владејачката коалиција, и покрај напорите на Софија, Скопје и другите земји од ЕУ, разликите меѓу двете соседни земји се уште не се целосно решени и тие претставуваат опасност за процесот на проширување на ЕУ.
Берлин смета дека треба да се направат сите напори за да се направи следниот чекор во пристапниот процес на Северна Македонија.
Германскиот Бундестаг ги поздравува напорите на владите во Скопје и Софија за зајакнување на соработката во различни културни и економски области со цел зближување, пренесува бугарскиот медиум.
Според европратеникот од ГЕРБ/ЕНП Андреј Ковачев, декларацијата е прифатена на барање на премиерот во Скопје. Ковачев им се заблагодари на колегите од Христијанско-демократската унија и Христијанско-социјалната унија во Бундестагот што не го поддржале документот.
„Проблемот, поточно чудната појава е што бараат од друга држава во собраниска одлука да признае дека постојат македонски јазик, култура и идентитет. Не сум слушнал за друга слична појава на нашата планета, каде што една држава е толку несигурна во својот идентитет, јазик и култура што мора да побара од друга земја со политичка одлука на законодавно тело да ги признае јазикот, културата и идентитетот“, изјави Андреј Ковачев, европратеник од ЕПП/ГЕРБ.
Според него, германскиот парламент, на итно барање на премиерот во Скопје, усвоил резолуција која има за цел да помогне во започнувањето на преговорите за пристапување во Европската унија на Република Северна Македонија.
„Нема ништо лошо во тоа, нашите колеги, соседи и пријатели во Скопје не треба да се грижат да имаат модерен идентитет, јазик и култура, но разбирам дека сакаат да покажат некаква историска доследност или историски континуитет што се разликува од бугарскиот. Ова е основата на нашиот проблем, од таму доаѓа дискриминацијата и говорот на омраза и сите проблеми што ги имаме. Тоа не се билатерални проблеми, тоа се проблеми поврзани со основните човекови права и европските вредности. Повторно повикувам и двете, и власта и опозицијата во РСМ да покажат храброст и да не го продолжуваат моментумот од времето на Титова Југославија. Да си помагаме, да бидеме заедно што побрзо во ЕУ, како што тоа го прават Романија и Молдавија, како што е Грција со Кипар. Во ЕУ мора да бидеме заедно, а тоа може да се направи само врз основа на пријателство, добрососедство, со спроведување на договорот потпишан во 2017 година меѓу премиерите Заев и Борисов, како и добра волја. Посакувам нашите соседи навистина да ги надминат сите пречки и да можат што побрзо заедно со нас да станат членки на ЕУ“, рече Андреј Ковачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ослободена од стапица мечка во Ресенско

Регионалниот ЦУК Битола, известува дека преку Единствениот број за итни случаи 112 во ЦУК била добиена пријава за заробено диво животно како последица од поставена криволовна замка во атарот на помеѓу селата Љубојно и Брајчино (Општина Ресен).
Пријавителот претпоставил во пријавата дека најверојатно се работи за мечка поради гласното рикање што се слушало во непосредна близина на мостот на Брајчинска Река.
„За оваа ситуација, од страна на ЦУК веднаш е известена Гранична полиција Маркова Нога, Полициска станица Ресен, Концесионерот – ловното друштво и други субјекти за понатамошно постапување. По интервенцијата на надлежните служби од Концесионерот -Ловното друштво, со присутен ветринар, од НП „Пелистер“ и од полицајци од МВР мечката е успиена и безбедно ослободена“, соопшти ЦУК.
Македонија
Средба Тошковски – Ходулин: Интензивна поддршка од ЕУ преку ИПА проектите за креирање полиција со европски стандарди

Министерот за внатрешни работи Панче Тошковски денеска оствари работна средба со претставници на Делегацијата на Европската унија, предводени од Стефан Ходулин, раководител на Одделот за соработка и Даница Стошевска, програм менаџер во канцеларијата.
На состанокот беше разгледана досегашната соработка помеѓу Министерството за внатрешни работи и Делегацијата на Европската унија во делот на спроведувањето на проектите финансирани преку Инструментот за претпристапна помош (ИПА).
Од страна на господинот Ходулин беше изразено задоволство од постигнатото во рамките на веќе спроведените проекти кои се имплементираат во министерството и изрази надеж дека посветеноста ќе продолжи со ист интензитет.
Министерот Тошковски во име на Министерството за внатрешни работи и се заблагодари на Делегацијата на ЕУ за досегашната поддршка и потенцираше дека истата е од исклучителна важност за министерството, и дека од наша страна ќе бидат обезбедени сите ресурси со цел максимално и рационално искористување на финансиската поддршка која е наменета за постигнување на европските стандарди во полициското работење.
За време на состанокот исто така се разговараше и за идните проекти кои се дел од Националната ИПА програма за 2025 година и следниот период, по што заеднички беше донесен заклучок дека ќе се продолжи со интензивни активности во наредниот период со цел финализирање плановите и проектите како основа за идното програмирање и обезбедување на сите неопходни предуслови од страна на министерството за внатрешни работи и целосна посветеност во нивната подготовка.
Двајцата соговорници изразија уверување и подготвеност за продолжување на одличната соработка и во иднина.
Македонија
Сиљановска-Давкова на средба со Радев: во фокусот трагедијата во Кочани и евроинтегративниот пат

Претседателката Гордана Силјановска-Давкова која е во Бугарија за да учествува во „Процесот Акаба“, пред медиумите соопшти дека ги посетила повредените пациенти кои настрадаа во трагедијата во Кочани и сега се на лекување во болницата „Пирогов“.
Рече дека се чувствуваат многу подобро. Таа оствари средба и со бугарскиот претседател Румен Радев.
Фокусот бил на трагедијата во Кочани, но се разговарало и за одблокирање на нашиот евроинтегративен пат, при што двајцата заклучиле дека се неопходни позачестени средби. Претседателката нагласила дека се можни компромиси и очекува исчекор на тој план.
Оддавајќи му признание на Радев таа кажа дека тој бил првиот претседател којшто утрото по трагедијата во Кочани и се јавил и и понудил секаков вид на помош.
„Прв ми се јави претседателот Радев. Благодарам. За жал или за добро, понекогаш трагедијата го вади доброто во сите нас, не политичкото, туку човечкото. Ова нема да може да го заборави ниту еден политичар од двете страни“, ја пренесуваат изјавата на Силјановска-Давкова бугарските медиуми.