Регион
Козарската чума продолжува да се шири во Грција, владата воведе мерки за борба против болеста

Козарската чума, позната и како Peste des Petits Ruminants (PPR), продолжува да се шири во Грција откако минатиот месец беше откриен првиот случај, а владата воведе привремена забрана за движење или колење овци и кози. Чумата зафати 22 фарми, главно во централна Грција, 12.000 животни беа евтанизирани, а повеќе од 30.000 беа тестирани, пренесува „Ројтерс“.
Вирусот не ги инфицира луѓето, но е многу заразен меѓу козите и овците и може да убие до 70 отсто од заразените животни. Кога ќе се открие случај на чума, потребно е да се убијат сите животни на фармата, која потоа се дезинфицира, а властите ги тестираат животните во блиските области за болеста во согласност со протоколите на ЕУ.
Георгиос Стратакос, висок функционер во Министерството за земјоделство, рече дека вирусот е увезен, но дека сѐ уште не е утврдено од каде. Тој нагласи дека забраната ќе трае до недела и потоа повторно ќе биде разгледана.
Владата бара компензација за оние што изгубија добиток за време на уништувањето или беа погодени од забраната, додаде тој. Локалните фармери тврдат дека вирусот се шири во Грција затоа што ветеринарните клиники немаат доволно персонал и не ги почитуваат пропишаните медицински протоколи. Иако бројот на заразени животни сè уште не е критичен, расте загриженоста кај грчките фармери бидејќи тие истовремено се соочуваат со ефектите од климатските промени, како што се екстремните горештини и поплавите.
PRP првпат беше откриен во Брегот на Слоновата Коска во 1942 година и оттогаш се прошири во други африкански земји, како и во Азија и Европа. Агенцијата на Обединетите нации за храна и земјоделство проценува дека болеста секоја година на глобално ниво доведува до загуби до 2,1 милијарди долари, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.