Регион
Косовскиот претседател го повлече предлогот за формирање војска

Косовскиот претседател Хашим Тачи го повлече во четвртокот својот предлог за брзо уставно воспоставување на војска на којшто се спротиставија неговите западни сојузници.
По војната којашто од 1998/1999 година којашто заврши со интервенцијата на НАТО и повлекување на српската војска од дотогашната српска покраина Косово и Метохија, која подоцна со поддршка од водечките земји од Западот еднострано прогласи независност во 2008 година од Белград, територијалната целост на земјата ги осигуруваат меѓународните сили кои ги предводи НАТО.
Меѓутоа, и покрај одредбите за безбедноста на Косово, тамошниот претседател Хашим Тачи на почетокот од март најави носење закон за формирање војска со 5.000 припадници, заобиколувајќи ја уставната одредба којашто бара согласност од српското малцинство.
„Целосно сме согласни дека тој процес (создавање војска) да се оствари низ уставните промени. Ќе создадеме косовска војска така да биде составен дел од НАТО, а не косовска војска која би била изолирана“, сепак во четвртокот рече претседателот Тачи за AFP.
НАТО и САД, коишто се сојузници со Тачи, се спротиставија на овој предлог и предупредија дека тоа би ја довело во прашање нивната поддршка на косовските безбедносни сили чијшто мандат е ограничен на заштитата на цивилите.
Оваа одлука на Хашим Тачи доаѓа во период на смирување на тензиите меѓу Белград и Приштина кои беа забележливи последните месеци./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.
Регион
Силен земјотрес ја погоди Света Гора, почувствуван на Халкидики и во Солун

Земјотрес со магнитуда од 5,3 степени е регистриран попладнево во морската област на Света Гора.
Според Геодинамичкиот институт и Сеизмолошката станица на Универзитетот „Аристотел“ во Солун, епицентарот на потресот бил на 7 километри западно од Кареја, на длабочина од 12,5 километри.
Како што јавуваат грчките медиуми, силниот земјотрес го потресе целиот регион Халкидики, како и градот Солун. Бил почувствуван и на крајбрежните области на Кавала и Тасос.
Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.