Регион
Крадец се обидел да украде неколку работи од отпад во Хрватска, бил толку пијан, што не успеал да ја прескокне ниту оградата

Невешт крадец бил уапсен во бизарен обид да украде стар и неисправен вентилатор од ограден двор.
Според полицијата, во неделата околу 19:20 часот во Шпишиќ Буковица се случил несекојдневен и неуспешен обид за кражба. Крадец влегол во туѓ двор, а потоа стариот вентилатор и уште неколку предмети од отпадот ги префрлил на другата страна, преку оградата.
Меѓутоа, бидејќи бил пијан, не успеал повторно да се качи на оградата и да избега. Се обидел неколку пати, но безуспешно. Во тие обиди полицијата го фатила и го привела.
Полицијата во Вировитица открила дека 47-годишниот маж се обидел да украде неисправни електронски уреди од оградениот простор на дворот, јавува „Даница.хр“.
„Мажот ја прескокнал оградата и влегол во дворот, кој е бил видео надзор. Префрлил неисправни електронски уреди преку оградата – вентилатор, радио, звучник, светилка и се обидел да го напушти дворот.
Но, бидејќи бил под дејство на алкохол од 2,03 промили, тешко му одел обидот да го напушти оградениот двор. Полициската патрола го затекнала како се обидува да го напушти местото со пленот.
Полицијата го пријавила делото во државното обвинителство во Вировитица и кривичната истрага е во тек“,велат од Управата на полицијата Вировитица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.