Регион
Кремљ: Путин и Вучиќ разговараа за Косово

Рускиот претседател, Владимир Путин, и српскиот претседател, Александар Вучиќ, телефонски разговараа за решавање на косовскиот проблем, објави Кремљ.
Во соопштението се додава дека претседателот на Србија, Александар Вучиќ, го информирал рускиот претседател, Владимир Путин, во денешниот телефонски разговор за разговорите во Вашингтон и Брисел, одржани на 4 и 7 септември.
„Посебно внимание се посветува на проблемот со Косово. Вучиќ го информираше (Путин) за преговорите во Вашингтон и Брисел на 4 и 7 септември. Путин ја потврди непроменетата позиција на Русија за избалансирано и компромисно решение, прифатливо за Белград, а кое треба да биде утврдено од Советот за безбедност на ООН“, се вели во соопштението.
Телефонный разговор с Президентом Сербии Александром Вучичем https://t.co/d7gil2ML5G
— Президент России (@KremlinRussia) September 10, 2020
Телефонскиот разговор меѓу двајцата претседатели бил инициран од српска страна, а се додава и дека посебно внимание било посветено на решавањето на косовското прашање, пренесува ТАСС.
„Путин ја потврди непроменливоста на принципиелниот став на Русија во врска со изнаоѓањето компромисно и избалансирано решение прифатливо за Белград, кое мора да биде одобрено од Советот за безбедност на ООН“, се вели во соопштението.
Беше потенцирана подготвеноста за понатамошна блиска соработка со него за целиот спектар на прашања од билатералната, регионалната и меѓународната агенда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.
Македонија
Вучиќ во посета на повредените од пожарот во дискотеката во Кочани

Претседателот на Србија Александар Вучиќ денеска ќе ги посети повредените од пожарот во дискотека во Кочани, соопшти Канцеларијата за односи со медиумите на претседателот на Србија.
Тој ќе ги посети повредените во 15 часот во Универзитетскиот клинички центар на Србија.
Во Србија синоќа од Македонија пристигнале 17 повредени, а се очекува да пристигнат уште 12.
Македонија
Србија испраќа нов авион за транспорт на уште 12 пациенти од пожарот во Македонија

На барање на Владата на Република Северна Македонија, денеска продолжува помошта и евакуацијата на повредените во пожарот во Кочани, соопшти српското министерството за одбрана.
„За целите на медицинска евакуација, уште еден авион на српската армија CASA C-295 со четворица лекари и четворица медицински техничари полета за Северна Македонија. Планирано е 12 пациенти да бидат евакуирани со авион. Потсетуваме дека синоќа 12 пациенти кои беа лекувани во Воено-медицинската академија и Клиничкиот центар на Србија, исто така, се превезени со воздухопловство на Србија“.
Покрај авионот, денеска во Северна Македонија беше испратено и амбулантно возило со медицински тим од Воената болница во Ниш за да ги превезе пациентите кои ќе бидат хоспитализирани во таа болница, пренесуваат тамошните медиуми.
Шест членови на Воено-медицинската академија останаа во Северна Македонија – двајца хирурзи, анестезиолог и двајца медицински техничари – инструментари за да им пружат помош на повредените.
Со авион на српската армија во неделата вечерта во Белград беа пренесени 12 пациенти.
По трагедијата во Кочани, 18 март во Србија е прогласен за Ден на жалост.