Регион
Курти опседнат со Вучиќ: во последното интервју 21 пат го споменал неговото име
Поранешниот владин функционер на Косово, Петрит Селими, изброил колку пати косовскиот премиер Аљбин Курти го споменал српскиот претседател Александар Вучиќ во неодамнешното интервју за „Вечерњи лист“.
Од 4.000 збора, кои Курти ги кажал за време на интервјуто, Вучиќ е спомнат 21 пат, тврди Селими.
„Во интервју од 4.000 збора за хрватскиот ‘Вечерњи лист’, Курти споменува: 21 пати Вучиќ, 18 пати Белград, четирипати НАТО, четирипати економија, двапати ЕУ, двапати САД, еднаш инвестиции, ниеднаш Советот на Европа“, напиша Селими на „Твитер“, пренесува „Косово онлајн“.
Talking of odd priorities. In a 4000 word interview for the Croatian Vecernji List, Kosovo PM Kurti mentions:
– 21 times Vucic
– 18 times Belgrade
– 4 times NATO
– 4 times economy
– 2 times EU
– 2 times USA
– 1 times investments
– 0 times Council of Europehttps://t.co/c8FZ8xeseo— Petrit Selimi (@Petrit) July 26, 2023
Косовскиот премиер Аљбин Курти за „Вечерњи лист“ изјави дека претседателот на Србија, Александар Вучиќ, го нервира демократијата и дека Косово не се вооружува затоа што се плаши од Србија, туку е на стража поради српските воени бази, пренесува „Косово онлајн“.
Косовскиот премиер наведува дека „на северот на Косово имаат мирни и добри денови секогаш кога нема наредба од Белград за насилство“.
„Србите во Косово живеат многу подобро од Србите во Србија, но криминалците во Србија живеат многу подобро отколку во Косово. Гледате дека протестите на Вучиќ во Косово се насилни, а протестите против Вучиќ во Белград нема. Животот на Србите во Косово им го отежнува Белград, кој не им дозволува да се интегрираат. Луѓето што не се интегрираат не живеат многу добро, а оние што се интегрираат живеат подобро. Но, Белград не сака тие да живеат подобро, тој сака на некој начин да ги храни тензиите и потенцијалот за дестабилизација“, вели Курти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Комбе излета од автопат во Србија: едно дете загина, седум повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива
Регион
(Видео) Тензично во Подгорица: приведени осум лица поради напади врз Турци
Црногорската полиција објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Исто така, беше кажано дека полицијата ќе користи камери и беспилотни летала за снимање на јавни места со цел документирање кривични дела, а дека вчера во Подгорица се преземени 55 мерки против странци.
Според соопштението, полицијата го идентификувала и по наредба на државниот обвинител во Вишото државно обвинителство во Подгорица, го уапсила П. М. (35) од Подгорица.
Полицијата објави дека постои сомневање дека на 26 октомври, преку своите профили на социјалните мрежи „Инстаграм“ и „Фејсбук“, објавил заканувачка и навредлива порака упатена кон турските граѓани што живеат во Црна Гора, со која поттикнува омраза и нетрпеливост на национална и верска основа.
Geniş Özet: Karadağ’da “Türkü Öldür” sloganları
Karadağ’ın başkenti Podgorica’da geçtiğimiz hafta sonu yaşanan bıçaklama olayının ardından Türk vatandaşlara yönelik saldırılar gerçekleşti. 45 Türk vatandaşı gözaltına alınırken, 8 Türk vatandaşı da sınırdışı edildi. Karadağ… pic.twitter.com/9181ixW80j
— Selâmi Haktan (@slmhktn) October 28, 2025
Поради сомнение дека сториле кривично дело насилно однесување на штета на тројца турски државјани, по наредба на државниот обвинител во Основното државно обвинителство во Подгорица, уапсени се Б. С. (26), Ф. Ѓ. (25) и М. П. (31) од Подгорица.
„Се сомнева дека тие физички нападнале турски државјани во населбата Забјело удирајќи ги со тупаници, со нозе и користејќи палки, а кои на овој начин добиле телесни повреди. При претресот од нивното возило се пронајдени и одземени факли и фантомки“, се вели во соопштението на Полициската управа.
Додаваат дека Т. Б. (24), Б. Б. (22) и Ф. Ј. (18) се уапсени за сторен прекршок од член 7 од Законот за јавниот ред и мир на штета на турски државјанин. Тие се осомничени дека синоќа физички нападнале турски државјанин во населбата Забјело.
Полицијата соопшти дека службеници на Секторот за гранична полиција – инспектори за странци, презеле 55 мерки против странски државјани.
„За време на активностите спроведени на територијата на Подгорица, издадени се 30 прекршочни налози, две лица се насилно отстранети, две се протерани од земјата, а на тројца странски државјани им е откажан престојот“, посочи црногорската полиција.
Пред два дена во подгоричката населба Забјело дојде до физичка пресметка пред угостителски објект, во која едно лице од Подгорица, М. Ј., беше повредено со нож. Полицијата идентификува и приведе две лица – еден турски и еден азербејџански државјанин – поврзани со случајот.
По нападот, следуваа масовни полициски контроли и приведувања – околу 45 турски и азербејџански државјани беа задржани во рамките на проверка на престој и документи, што предизвика реакции и во Турција од страна на државниот врв.
Во вечерните часови некои од граѓаните на Подгорица излегоа на улиците, при што беа забележани ксенофобични скандирања, оштетување возила и дополнителни полициски интервенции.
Регион
(Видео) Се урна дел од таван на пазар во Загреб
Дел од таванот се урна во хала на пазарот „Долац“ во Загреб. Пред влезот има редица муштерии, но на вратата е истакнат предупредувачки знак, а работниците објаснуваат дека халата денес е затворена.
Според информациите на хрватските медиуми, таванот се урнал утрово во левиот дел од пазарот, а влезот е блокиран додека не заврши поправката.
Работниците велат дека штетата треба да се санира до утре.

