Регион
Лајчак: Многу ниско ниво на доверба во дијалогот меѓу Белград и Приштина

Специјалниот пратеник на Европската унија за дијалог меѓу Белград и Приштина, Мирослав Лајчак изјави дека кога станува збор за стратегијата за дијалог во наредните месеци, двете страни пред се треба да ги нормализираат односите.
Лајчак за италијанскиот весник „Стампа“ изјави дека во дијалогот се уште се разговара за редоследот на чекорите за имплементација на Охридскиот договор и неговиот анекс бидејќи, како што наведе, нивото на доверба меѓу Белград и Приштина е многу ниско.
Лајчак вели дека подобар договор нема и затоа е потребно да се фокусираат на негова имплементација.
Тој оцени дека е постигнат напредок кога Србите на северот на Косово ја почнале процедурата за повторување на изборите во четири општини.
Лајак рече дека смета дека нема ризик од нов конфликт во балканскиот регион, иако има тензии, но дека нема потенцијал за конфликти и посочи дека меѓународните мисии се распоредени и во Косово и во Босна и Херцеговина.
Тој посочи дека атмосферата во Брисел е променета и дека ЕУ ја отвори вратата за проширување, вклучувајќи го и регионот на Западен Балкан.
„Атмосферата во Брисел и земјите членки навистина се промени. Членовите сега се сериозно заинтересирани за проширување. Вратата се отвора. Сега се работи за искористување на таа можност. Тоа е геополитичко прашање за Европа. Интеграцијата не е целосна без балканскиот регион“, рече Лајчак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.