Регион
„Лекарите рекоа дека се борел како лав“: менаџерот на Бора Чорба откри како изгледале последните денови на рокерот

По долго и тешко боледување, денеска, на 71-годишна возраст, во Љубљана почина Бора Ѓорѓевиќ, фронтменот на групата „Рибља чорба“.
Менаџерот на групата „Рибља Чорба“, Бане Обрадовиќ, откри дека Бора Ѓорѓевиќ до последен момент се борел како лав.
„Беше болен, но се надевавме дека ќе се случи чудо. Се бореше како лав, така ни кажаа лекарите. Сѐ што му дадоа во однос на терапијата изгледа му требаше. Сите бевме изненадени, иако ја знаевме дијагнозата. Жал ни е, тој е легенда која отиде во рајот, а ангелите горе нека го заштитат“, вели Бане со треперлив глас и ја објаснува причината за смртта на Бора:
„Белите дробови беа клучни. Во еден момент повеќе не можеше да дише, а не можеше да го искашла насобраниот секрет. Потоа мораше да го интубираат и да го стават на респиратор. Десет дена беше така, лекарите му даваа лекови и инфузии. Рекоа дека е стабилен иако цело време спиеше. Ситуацијата нагло се влоши. Почина околу 4 часот наутро“, изјави Бане.
Бане откри и каде ќе биде погребан Бора.
„Обдукција нема да се врши. Семејството одлучи дека тоа не е потребно. Документите во конзулатот се привршуваат за телото да биде пренесено во Чачак, каде што ќе биде погребан, што беше негова желба и тоа јавно го кажа. Кога точно ќе биде тоа, сѐ уште не се знае бидејќи постапката сѐ уште е во тек и зависи од завршувањето на сите формалности“, додаде Бане во емисија на телевизијата „К1“, пренесува „Блиц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.