Регион
Лидерот на Самоопределување: Косовската химна е чудна, а знамето грешка

Химната на Косово се вика „Европа“ и нема текст, а знамето на Косово нема ни историска ни некоја друга вредност, освен географска, изјави лидерот на движењето Самоопределување, Аљбин Курти, гостувајќи во емисијата „Пресинг“ на „Т7“, посветена на изборите.
Зборувајќи за прашањето на знамето, симболите и химната на Република Косово, Курси истакна дека како премиер е природно да ги почитува тие симболи, пренесува „Косев“.
„Не заборавајте дека химната се вика Европа и дека нема текст. Тоа е чудно. Се разбира, јас сум за тоа да се додаде текст во оваа химна, но тоа мора да се направи во согласност со нашиот устав,“ рече Курти.
„Како премиер, се разбира, дека ќе ги почитувам, но би требало да имате на ум дека јас сум лидер на Самооопределување и ги претставувам и оние вредности што се големи за нас. Не е химна на Албанија туку на сите Албанци. Знамето на Косово нема ни историска ни некоја друга вредност, освен географска. Знаеме дека беше грешка, но сега можеме само да го признаеме тоа,“ посочи тој.
Во истата емисија Курти зборуваше и за обединување со Албанија тврдејќи дека Косово има право да ѝ се приклучи, но додаде дека тоа денес е невозможно.
„Тоа не зависи само од нас, туку и од Албанија“, наведе тој и додаде дека партиите, пред сè, се фокусирани на опстанок на државата Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Oсуммина уапсени во Брчко поради трговија со деца: вклучен и Европол

Полицијата на округот Брчко на БиХ уапси осум лица под сомнение дека сториле кривични дела трговија со луѓе, трговија со деца и запуштање или злоупотреба на дете кога вчера во куќа во тој град на крајниот североисточен дел на Босна и Херцеговина беа пронајдени 31 дете на возраст под 12 години.
Портпаролката на окружната полиција, Џевида Хукичевиќ, за новинарите изјави дека истрагата е сложена и вклучува неколку линии на дејствување.
„Во врска со ова, под надзор на односниот обвинител, полициските службеници на окружната полиција им даваат приоритет на сите потребни доказни дејства, при што беше постигната соработка со Државната агенција за истраги и заштита (СИПА), МУП (на субјектот на БиХ) на Република Српска и МУП на Херцеговина, како и со меѓународната соработка со Европол“, вели таа.
Во меѓувреме, децата се пренесени на безбедно место.
Според медиумите, уапсени се судскиот полицаец и мајка му, како и една жена со италијанско државјанство. Хрватската полиција соопшти дека меѓу пронајдените деца во Брчко шест имале хрватски документи.
Со прелиминарните идентификациски проверки утврдиле дека овие деца не се пријавени за исчезнати во Хрватска. Иако документите што ги придружуваат децата се во согласност со хрватските закони, полицијата ќе преземе дополнителни проверки на автентичноста на документите и идентитетот.
Мисијата на ОБСЕ во Босна и Херцеговина ги повика надлежните органи итно да почнат темелна истрага и да ги гонат одговорните.
„Истовремено, неопходно е да се обезбедат сеопфатна заштита и поддршка на жртвит имајќи го предвид фактот дека се малолетни. Силен одговор од надлежните институции е предуслов за спречување криминални дела од овој тип, но и за заштита на најранливите членови на општеството и зачувување на владеењето на правото“, се наведува во соопштението за печатот на Мисијата на ОБСЕ во Босна и Херцеговина.
Регион
Песков: Пресудата против Додик е политичка

Кремљ ја осуди едногодишната затворска казна што вчера му беше изречена на лидерот на босанските Срби, Милорад Додик, нарекувајќи го обвинителството против него политичко.
„Прогонот на Додик е целосно политички по природа и е насочен не само против него, туку и против сите патриотски сили“, рече на прес-конференција портпаролот на Кремљ, Дмитриј Песков.
Претходно, американскиот Стејт департмент соопшти дека има сознанија за пресудата донесена од Судот на Босна и Херцеговина во средата против лидерот на босанските Срби и изрази противење на преземање чекори што ќе ја поткопаат безбедноста на земјата.
Милорад Додик вчера со првостепена одлука на Судот на БиХ беше осуден на една година затвор, заедно со шестгодишна забрана за политичка активност, поради непочитување на одлуките на високиот меѓународен претставник Кристијан Шмит.
Одбраната на Додик и обвинителството имаат можност да поднесат жалба на оваа одлука, а правните и политичките последици нема да стапат на сила до конечната пресуда.
Регион
САД ги одложија санкциите за Нафтената индустрија на Србија за 30 дена, Вучиќ се пофали

Соединетите Американски Држави (САД) ја одложија примената на санкциите против Нафтената индустрија на Србија (НИС) за уште 30 дена, кои се дел од пакет-санкциите на Вашингтон наметнати на рускиот енергетски сектор, чиј дел е и НИС, беше соопштено денеска во Белград на денот кога требаше да стапат во сила рестриктивните мерки.
Претседателот Александар Вучиќ објави документ на „Инстаграм“ за одложувањето и изјави дека „добиле дополнителни 30 дена за Нафтената индустрија на Србија“. Како што изјави, ова е добра вест за граѓаните на Србија.
View this post on Instagram
Вучиќ во својата објава прикачи документ од американското Министерство за финансии со кој ја објавува одлуката.
Санкциите против НИС требаше да стапат во сила во 6 часот утринава. Србија побара одложување на санкциите за најмалку 90 дена.