Регион
Македонија и Грција поканети да се вклучат во проект за брза пруга до Будимпешта
На состанокот на Трилатералната работната група меѓу Србија, Унгарија и Кина за проектот за реконструкција и модернизација на пругата Белград – Будимпешта, денеска во Белград беше покрената иницијатива и Македонија и Грција да се вклучат во железничкиот проект за брзата пруга, за која замислата е да се продолжи до пристаништето Пиреја во Атина, пренесува агенцијата „Танјуг“.
Проектот е дел од глобалната кинеска иницијатива „Појас и пат“ и партнерски и пријателски го резализираат Унгарија, Кина и Србија, изјави во Белград потпретседателката на српската влада и министерка за градежништво, Зорана Михајловиќ, по средбата со унгарскиот министер за иновации и технолошки развој, Ласло Палковиќ, и со кинеска делегација.
„Заклучивме дека не е доволно да изградиме само брза железничка пруга од Белград до Будимпешта и се согласивме овој железнички коридор да го продолжиме и да ги поканиме Северна Македонија и Грција да се приклучат во проектот“, рече Михајловиќ.
Министерката на заедничката прес-конференција изјави дека брзата пруга во Србија се гради според предвидената динамика, а првата делница Белград – Стара Пазова би требало да биде завршена наесен следната година, а ќе биде во функција до крајот на 2020 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.