Регион
„Мафијата штотуку го загуби коалициониот партнер“ – Петков им честиташе на пратениците кои го напуштија Трифонов
Бугарскиот премиер, Кирил Петков на прес-конференција им честиташе на пратениците од „Има таков народ“ на Слави Трифонов кој одлучија да излезат од партијата, притоа останувајќи дел од владејачкото мнозинство.
„Им честитам, овие луѓе се навистина храбри“, рече Петков, пренесе БНТ. бг.
„Благодарам за храброста на Радостин Василев, министерот кој со сите сили се бореше за борба против мафијата во спортот, иако наиде на неподготвеноста на Слави Трифонов да му помогне. Благодарение на Георги Георгиев, Иво Атанасов , Николај Радулов, Дејан Петков, Светлин Стојанов“, рече Петков.
Како што додаде пратениците рекле дека не дошле за да ја поддржат власта, туку се против заткулисниот модел што го виделе во ИТН.
„Бугарија има шанса, мафијата штотуку го загуби коалициониот партнер“, нагласи Петков.
Лидерот на „Има таков народ“ Слави Трифонов претходно рече дека поради Северна Македонија и финансиската криза во државата ќе ги повлече министрите од оваа партија од Владата, а попладнево тој објави дека добил информација оти пратеници од неговата партија ќе ја напуштат пратеничката група и ќе ги поддржат Кирил Петков и Асен Василев.
„Најверојатно се купени со пари и позиции. Ќе се види кој што ќе биде“, рече Трифонов, додавајќи: „Но, предавството е предавство и никој не ги сака предавниците. Дури и оние кои имаат корист од нив“, пренесе БГНЕС.
Подоцна пратениците објавија дека ја напуштат партијата на Трифонов, предводена од министерот за спорт во оставка Радостин Василев кој одржа вонредна прес-конференција. Тој го обвини Трифонов дека ги повлекол своите заменици за да краде средства. Според Радостин Василев, Трифонов се однесува како единствен сопственик и ваквото однесување довело до тоа дека ИТН се самоуништи.
Радостин Василев истакна дека ИТН е бизнис, а не политички проект. За да украде некои средства од некои фирми, Трифонов повлече министри. Северна Македонија е измислена причина што се користи за таа прилика, рече Василев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.