Регион
Медведев го пофали Додик: Вие сте еден од ретките лидери во Европа со мудра политика

Претседателот на Република Српска и лидерот на Алијансата на независни социјалдемократи му се заблагодарија на поранешниот руски претседател за неговата честитка за неговиот реизбор за шеф на партијата.
Дмитри Медведев, кој сега ја извршува функцијата заменик-претседател на Советот за национална безбедност на Русија, во честитката до Милорад Додик, истакна дека тој е еден од „ретките лидери во модерна Европа кој спроведува урамнотежена и мудра политика“.
Медведев рече дека високо го цени придонесот на СНСД за развојот на стратешкото партнерство меѓу Русија и РС и за зајакнување на вековните пријателски врски кои ги обединуваат братските народи, пишуваат босанско-херцеговските медиуми.
Медведев рече дека реизборот на Додик е јасен доказ за поддршката на сопартијците за насоката што ја спроведува.
„Вие сте еден од ретките лидери во модерна Европа кој спроведува урамнотежена и мудра политика, водена пред се од насоките на граѓаните на вашата земја. Го поздравуваме и споделуваме принципиелен став да се потврди воената неутралност на БиХ, да се зајакне суверенитетот на земјата и да ја ослободиме од надворешно менторство“, напиша Медведев во честитката.
Медведев му посака на Додик добро здравје и нов успех во зајакнувањето на правата и заштитата на интересите на Република Српска и нејзините граѓани.
Хвала Димитрију Медведеву, предсједнику Јединствене Русије, на честитки поводом мог реизбора на мјесто предсједника СНСД-а. pic.twitter.com/MpUVh6Xo3b
— Милорад Додик (@MiloradDodik) October 5, 2023
Со копија од писмото што му го испрати Медведев, Додик срдечно му се заблагодари на човекот на Путин со најголема доверба.
„Благодарам на Димитри Медведев, претседател на Единствена Русија, за честитките за мојот реизбор за претседател на СНСД“, напиша Додик, кој претходно најави дека оваа есен ќе отпатува за Русија, каде што планира да одржи нова средба со Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Суштината на обоената револуција е Србија да биде најслаба во регионот, а јас да клекнам пред сите

Српскиот претседател Александар Вучиќ денес изјави дека „суштината на обоената револуција“ е дека Србија мора да биде послаба во споредба со сите во регионот, како и тој да биде „неспособен претседател кој би клекнал пред сите што не ѝ посакуваат добро на Србија“, пренесуваат медиумите во соседството.
„Тоа е суштината на обоената револуција. Србија мора да биде скромна и секогаш мора да биде послаба од Хрватска и од сите други во регионот за да можат да бидат задоволни“, рече Вучиќ во Палатата на Србија, одговарајќи на новинарско прашање.
Вучиќ рече дека денес не е случај Србија да е најслаба во регионот, иако е посиромашна од другите, туку дека од друга страна напредува побрзо од другите, „што никому не му одговара“.
„Тоа е една од причините зошто го прават тоа, бидејќи би сакале да имаат некомпетентен претседател кој би клекнал на колена пред сите оние кои не ѝ посакуваат добро на Србија“, рече Вучиќ.
Тој ги обвини луѓето, за кои тврди дека се „водачи на блокади“, дека ја мразат Србија и ѝ посакуваат најлошо на својата земја, наведувајќи дека поради нив, земјата е во тешка ситуација бидејќи „ја намалиле стапката на раст, го уништиле туризмот и многу економски гранки“.
„Дури и меѓу блокадите има такви кои ја сакаат Србија, но не можат да се одвојат од овие водачи – новинари, професори и политичари. Тоа е еден од проблемите“, рече Вучиќ, пренесува „Бета“.
Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин