Регион
Метју Палмер: По победата на коронавирусот, брзо враќање на граѓанските слободи
![](https://makfax.com.mk/wp-content/uploads/2020/04/Palmer.jpg)
Заменик-помошникот на државниот секретар на САД и специјален претставник за Западен Балкан, Метју Палмер, рече дека по пандемијата на коронавирусот, секаде треба да следува укинување на привремените мерки и враќање на почитувањето на претходните граѓански слободи.
Во интервју за „Гласот на Америка“ (ВоА), на српски јазик, за американската помош во регионот во борбата против Ковид-19, Палмер истакна дека Америка дава значителна помош за Балканот, но дека таа помош понекогаш е заемна.
Тој рече дека во регионот, како и во поголемиот дел од светот, најитно се потребни тестови, опрема за лична заштита и поддршка за персоналот во итни случаи потсетувајќи дека во Србија стигнале 6.000 теста на коронавирусот и помош во храна и санитарни пакети.
„Ќе бидат потребни 500 милиони американски долари за да им се помогне на земјите од целиот свет во нивните најитни потреби. Дел од тие пари ќе пристигне во балканските земји, секако, но тие ќе се влеваат во системи во чија изградба и зајакнување САД помогнале со текот на годините“, рече Палмер цитирајќи дека Соединетите Американски Држави инвестирале милијарди долари помош во регионот во изминатите 20 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес ја погоди Грција
![](https://makfax.com.mk/wp-content/uploads/2023/02/zemjotres-3.jpg)
Земјотрес со јачина од 3,8 степени според Рихтеровата скала утрово ја погоди Грција, јавува ЕМСЦ.
Земјотресот е регистриран на Крит, на 63 километри од Ираклион, на длабочина од 14 километри.
Засега нема информации за повредени или материјална штета.
Земјотресот е регистриран во 9:34 часот по локално време.
Регион
Туристите и граѓаните на Грција добија итни СМС предупредувања: Се приближува силно невреме, град и грмежи
![](https://makfax.com.mk/wp-content/uploads/2024/07/fds-2.jpg)
Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.
Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.
„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.
Регион
Силни молњи предизвикаа пожари на Тасос
![](https://makfax.com.mk/wp-content/uploads/2023/05/grom-na-Rodos.jpg)
Силни молњи вчера предизвикаа два пожари на грчкиот остров Тасос, еден ден откако пожарникарите се справија со шумските пожари поттикнати од силните ветрови на два други острови.
Повеќе од 32 пожарникари со помош на 13 противпожарни возила, едно летало и два хеликоптери се обидуваат да го изгаснат пламенот што го проголтува шумското земјиште на два фронта на островот во северното Егејско Море на 306 километри северно од Атина, соопшти противпожарната бригада.
Шумските пожари станаа почести и деструктивни во Грција во последните години поради климатските промени, а грчката служба за цивилна заштита предупреди на понестабилно време во среда и четврток, наведувајќи дека се очекуваат невреме со голема фреквенција на грмежи и град.