Регион
Мирослав Лајчак: Договорени следните чекори во дијалогот меѓу Приштина и Белград

Специјалниот пратеник на Европската Унија (ЕУ) за дијалогот меѓу Косово и Србија, Мирослав Лајчак, изјави дека за време на разговорот со вицепремиерот и шефот на косовскиот преговарачки тим за дијалогот, Бесник Бисљими, се договорил за следните чекори во дијалогот.
„Само што се сретнав со првиот вицепремиер Бесник Бисљими. Тоа е продолжение на последната средба со европските лидери во Брисел и последица на потребата од целосна имплементација на договорот за патеката за нормализација, без одлагање или предуслови. Се договоривме и за следните чекори во дијалогот“, напиша Лајчак на платформата Х (поранешен „Твитер“).
Средбата се одржа во понеделникот вечерта.
Бисљими рече дека на работната вечера со Лајчак се разговарало за сите аспекти поврзани со целосната имплементација на основниот договор од Брисел и анексот за имплементација од Охрид.
За денеска е најавена средба меѓу Лајчак и лидерите на опозициските партии, Мемљи Красниќи од Демократската партија на Косово, Љумир Абџиќ од Демократскиот сојуз на Косово и Рамуш Харадинај од Алијансата за иднината на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин
Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин